మెగా ప్రిన్స్ వరుణ్ తేజ్, లావణ్యత్రిపాఠీల పెళ్లికి సంబంధించిన ఫొటోలు ప్రస్తుతం నెట్టింట వైరల్ అవుతున్నాయి.మెగా బ్రదర్స్ చిరంజీవి (Chiranjeevi), నాగబాబు(Nagababu), పవన్ కల్యాణ్‌(Pawan kalyan)ల ఫొటో ఒకటి నెట్టింట విపరీతంగా చక్కర్లు కొడుతోంది. నాగబాబు ఈ ఫొటోను షేర్ చేస్తూ అన్నదమ్ముల బంధం గురించి ఓ ఎమోషనల్ పోస్ట్ పెట్టారు.తమ మధ్య బేదాభిప్రాయాలు, వాదనలు ఉన్నప్పటికీ.. తమ అనుబంధం ఎంతో ప్రత్యేకమైనదని చెప్పారు. ఆ అనుబంధం తాము చేసిన పనులకు, వాటి జ్ఞాపకాలకు చెందినది మాత్రమే కాదని.. అది ఎంతో లోతైన బంధమని అన్నారు.
చదవండి : Revanth Reddy: రాష్ట్ర చిహ్నాంలో ప్రజల త్యాగాల గుర్తులు ఉండాలె
తమది విడదీయలేని అనుబంధమని తెలిపారు.మా అన్నదమ్ముల బంధం ఎప్పటికీ ప్రత్యేకమైనదే. ఈ ఫొటో ఓ జ్ఞాపకం (Memory) మాత్రమే కాదు అంతకు మించింది. మా మధ్య ఉన్న అభిప్రాయాలు, విభేదాల కంటే లోతైన అనుబంధం చాలా ముఖ్యమైనది, బలమైనది. ప్రేమతో కూడిన ఎన్నో మధుర క్షణాలతో ఈ రిలేషన్‌ (Relation) ముడిపడి ఉంది. ఇది ఎప్పటికీ విడదీయరానిది. దీనికి నేనెంతో విలువిస్తాను’’ అంటూ నాగబాబు తన పోస్ట్‌లో పేర్కొన్నారు. అయితే ఈ ఫొటో చూసి మెగా ఫ్యాన్స్ సందడి చేస్తున్నారు. ‘పిక్చర్‌ పర్‌ఫెక్ట్‌’ అంటూ కామెంట్స్‌ పెడుతున్నారు. వరుణ్ తేజ్(Varun Tej), లావణ్య త్రిపాఠీల పెళ్లి సందర్భంగా మెగా ఫ్యామిలీ మొత్తం ఒకే చోట చేరి సంతోషకర సమయాన్ని గడిపింది.
చదవండి : Tirumala : శ్రీవారి సేవలో ఇండియన్ క్రికెటర్లు
