Viral video.. Lokesh Kanagaraj upset with Shruti Haasan!
Lokesh Kanagaraj: లోకేష్ కనగారాజ్ గురించి ప్రత్యేకంగా చెప్పాల్సిన అవసరం లేదు. ఖైదీ సినిమా నుంచి ఒక్కో సినిమా నెక్స్ట్ లెవల్ అనేలా ఆడియెన్స్ ముందుకు తీసుకొస్తున్నాడు లోకేష్. మాస్టర్, విక్రమ్, లియో సినిమాలతో బ్యాక్ టు బ్యాక్ హిట్స్ అందుకున్నాడు. నెక్స్ట్ సూపర్ స్టార్ రజనీ కాంత్‌తో ఓ సినిమా చేస్తున్నాడు. ఆ తర్వాత ఖైదీ 2, విక్రమ్ 2 ప్లాన్ చేస్తున్నాడు. ఇక శృతి హాసన్ స్టార్ హీరోయిన్‌గా భారీ ప్రాజెక్ట్స్ చేస్తోంది. చివరగా సలార్ సినిమాతో మంచి హిట్ అందుకుంది. అయితే.. ఇప్పుడు లోకేష్ కనగరాజ్, శృతి హాసన్ ఇద్దరు కలిసి సెన్సేషన్‌కు రెడీ అవుతున్నారు. కమల్‌ హాసన్ నిర్మాణంలో లోకేష్ కనగరాజ్ హీరోగా.. శృతి హాసన్ కాన్నెప్ట్‌తో పాటు మ్యూజిక్ ఆల్బమ్ చేస్తున్నారు. ఈ మ్యూజిక్ వీడియోని ‘ఇనిమెల్’ పేరుతో రిలీజ్ చేయబోతున్నారు.
చదవండి:Pawan Kalyan: పవన్ కి లీగల్ నోటీసులు..?
ఈ మ్యూజిక్ వీడియోకు శృతి హాసన్ స్వయంగా ఆలిపించింది. అంతేకాదు లోకేష్ కనగరాజ్‌తో కలిసి ఈ అల్భంలో నటించింది. అలాగే ఈ సాంగ్‌కు లిరిక్ రైటర్‌గా కూడా వ్యవహరించడం విశేషం. దీంతో ఈ మ్యూజిక్ వీడియోపై ప్రేక్షకుల్లో అంచనాలు నెలకొన్నాయి. ఇటీవలె చిత్రీకరణ పూర్తి చేసుకున్న ఈ పాట టీజర్‌ను తాజాగా రిలీజ్ చేశారు. ఇక ఈ టీజర్ చూస్తే మామూలుగా లేదనే చెప్పాలి. లోకేష్, శృతి మధ్య రొమాన్స్ అంతకుమించి అనేలా ఉండబోతోందని చెప్పేశారు. దీంతో లోకేష్‌లో ఈ టాలెంట్ కూడా ఉందా? అని కాస్త ఆశ్చర్యపోతున్నారు నెటిజన్స్. మార్చి 25న ‘ఇనిమెల్’ ఫుల్ సాంగ్ రిలీజ్ చేయనున్నారు. టీజర్‌లోనే ఇంత ఘాటుగా ఉంటే.. ఇక ఫుల్ సాంగ్‌లో ఇంకెలా ఉంటుందో ఊహించుకోవచ్చు.
