Kollywood star hero in Ilayaraja biopic!
Ilayaraja: ప్రముఖుల జీవిత చరిత్రలను సినిమాలు మలచడం కొత్తేం కాదు. ఇప్పటి వరకు ఎన్నో బయోపిక్స్ వచ్చాయి. ఇక ఇప్పుడు ప్రముఖ సంగీత దర్శకులు ఇళయారాజ జీవిత చరిత్రను తెరపైకి తీసుకొచ్చే ప్రయత్నాలు జరుగుతున్నాయి. అందులో భాగంగా.. ఇళయరాజా బయోపిక్‌లో హీరో ఎవరనేది? ఇప్పుడు ఇంట్రెస్టింగ్‌గా మారింది. ఓ కోలీవుడ్ స్టార్ హీరో ఈ బయోపిక్‌లో ఫైనల్ అయ్యాడనే న్యూస్ ఇప్పుడు వైరల్‌గా మారింది. అసలు ఇతను హీరో మెటీరియల్ ఏంటీ? అనే మాట నుంచి, హీరో అంటే ఇలా ఉండాలి.. అనే స్థాయికి ఎదిగాడు కోలీవుడ్ హీరో ధనుష్.
చదవండి: Bedurulanka 2012: దొంగోడి పాట, కాన్సెప్ట్ అదుర్స్..!
తమిళ్‌లో మాత్రమే కాదు.. హిందీ, తెలుగుతో పాటు హాలీవుడ్‌లో కూడా సినిమాలు చేస్తున్నాడు ధనుష్. చివరగా తెలుగులో ‘సార్’ అనే సినిమాతో సాలిడ్ హిట్ అందుకున్నాడు. త్వరలో ‘కెప్టెన్ మిల్లర్’ అనే సినిమాతో రాబోతున్నాడు. ప్రస్తుతం అన్ని భాషల్లో సినిమాలు చేస్తున్న ధనుష్.. ఇప్పుడు ఇళయ రాజా బయోపిక్‌లో నటించేందుకు ఓకే చెప్పినట్టు తెలుస్తోంది. బాలీవుడ్ డైరెక్టర్ బాల్కీ, ఇళయారాజా బయోపిక్ తీసేందుకు ప్లాన్ చేస్తున్నాడట. రీసెంట్‌గా ఇదే విషయాన్ని చెబుతూ.. అది తన డ్రీమ్ ప్రాజెక్ట్ అని.. ఇళయరాజాగా ధనుష్2పే చూడాలనుకుంటున్నట్లు తెలిపారట.
ఇప్పటికే ధనుష్‌తో ‘షమితాబ్‌’ అనే సినిమా తీశాడు బాల్కీ. పైగా ధనుష్ మంచి సింగర్, లిరిక్ రైటర్ అండ్ డైరెక్టర్ కావడంతో.. ఆయన అయితే పర్ఫెక్ట్ అని అనుకుంటున్నట్టు తెలుస్తోంది. ధనుష్ కూడా ఈ ప్రాజెక్ట్ పై ఆసక్తికరంగా ఉన్నట్టు తెలుస్తోంది. త్వరలో ఈ ప్రాజెక్ట్ నుంచి అఫీషియల్ అనౌన్స్మెంట్ రానుందని అంటున్నారు.
