Dhanush is coming as a director, 'Rayan'!
Rayan: తమిళ స్టార్ హీరో ధనుష్.. ఆ భాష, ఈ భాష అని కాదు.. పాన్ ఇండియా భాషల్లో వరుస సినిమాలు చేస్తు దూసుకుపోతున్నాడు. చివరగా కెప్టెన్ మిల్లర్ సినిమాతో అలరించిన ధనుష్.. ప్రస్తుతం తెలుగులో ‘కుబేర’ అనే సినిమా చేస్తున్నాడు. సెన్సిబుల్ దర్శకుడు శేఖర్ కమ్ముల తెరకెక్కిస్తున్న ఈ సినిమాలో.. కింగ్ నాగార్జున కీలక పాత్రలో నటిస్తున్నాడు. ఇక ఈ సినిమాతో పాటు.. రాయన్ అనే సినిమా కూడా చేస్తున్నాడు ధనుష్. ఈ సినిమాకు డైరెక్టర్ కూడా ధనుషే కావడంతో అంచనాలు భారీగా ఉన్నాయి. ధనుష్ కెరీర్‌లో 50వ మూవీగా ఈ ప్రాజెక్ట్ రూపొందుతోంది. ఇప్పటికే విడుదలైన ధనుష్ రాయన్ ఫస్ట్ లుక్ పోస్టర్ సినిమా పై అంచనాలను పెంచేసింది.
చదవండి:‘Kalki: ‘కల్కి’ రైట్స్ సొంతం చేసుకున్న ప్రముఖ సంస్థ.. ఎన్ని కోట్లంటే?
రీసెంట్‌గా ఈ సినిమా నుంచి ఫస్ట్ సింగిల్ రిలీజ్ చేయగా మంచి రెస్పాన్స్ వస్తోంది. ఏఆర్ రెహమాన్ ఈ సినిమాకు మ్యూజిక్ అందిస్తున్నారు. ఇక ఈ సినిమా రిలీజ్ డేట్ కూడా లాక్ చేసుకుంది. జూన్ 13న ప్రపంచ వ్యాప్తంగా రాయన్ చిత్రం గ్రాండ్‌గా విడుదల కానుంది. తెలుగులో ధనుష్‌కు మంచి మార్కెట్ ఉంది. గతంలో వచ్చిన సార్ సినిమా మంచి వసూళ్లను రాబట్టింది. దీంతో.. రాయన్ సినిమాను తెలుగులో గ్రాండ్‌ రిలీజ్‌కు ప్లాన్ చేస్తున్నారు. ఈ చిత్రాన్ని తెలుగు రాష్ట్రాల్లో ఏషియన్ సురేష్ ఎంటర్టైన్మెంట్ ఎల్ఎల్‌పి సంస్థ డిస్ట్రిబ్యూట్ చేస్తోంది. దీంతో తెలుగులో కూడా మంచి హైప్‌తో థియేటర్లోకి రాబోతోంది రాయన్. మరి ధనుష్ తన స్వీయ దర్శకత్వంలో వస్తున్న రాయన్.. ఎలా ఉంటుందో చూడాలి.
చదవండి:Shruti Haasan: ఆటోలో వెళ్లిన శృతి హాసన్.. ఎందుకో తెలుసా?
