kalki-sensation-in-america
Kalki: ప్రభాస్ సినిమా అంటేనే కొత్త రికార్డులకు కొదవ ఉండదు. ఇప్పటి వరకు ఇండియన్ సినిమా దగ్గర ఉన్న రికార్డుల్లో.. ప్రభాస్ క్రియేట్ చేసినవే ఎక్కువ. ఒక్కో సినిమా బడ్జెట్‌తోనే రికార్డ్ సెట్ చేస్తున్న ఈ రియల్ బాహుబలి.. కలెక్షన్స్ పరంగా సరికొత్త రికార్డులు రాస్తున్నాడు. ఇప్పటి వరకు క్రియేట్ చేసిన కల్కి సినిమా రికార్డ్సే అందుకు నిదర్శనం. సలార్ సినిమా వరకు పాన్ ఇండియా రూలర్‌గా ఉన్న ప్రభాస్.. ఇప్పుడు పాన్ వరల్డ్‌ సినిమా చేసి హాలీవుడ్‌ని ఫిదా చేశాడు. కల్కి సినిమా పై హాలీవుడ్ ప్రశంసలు కురిపిస్తోంది. అంతేకాదు.. అమెరికాలో కలెక్షన్ల సునామీ సృష్టిస్తోంది కల్కి. ఓవరాల్‌గా ఫస్ట్ వీకెండ్‌లో 555 కోట్లు, ఐదు రోజుల్లో 625 కోట్ల వసూళ్లు రాబట్టిన కల్కి.. యుఎస్‌ బాక్సాఫీస్ దగ్గర సంచలనం క్రియేట్ చేస్తోంది.
చదవండి:Kanguva: స్పెషల్ వీడియో.. వంద రోజుల్లో ‘కంగువ’
ఫస్ట్ వీకెండ్‌లోనే 10 మిలియన్ డాలర్లు కొల్లగొట్టేసింది. అది కూడా.. బాహుబలి 2 కంటే వేగంగా యుఎస్‌లో 10 మిలియన్ డాలర్ల క్లబ్బులో అడుగు పెట్టి కొత్త రికార్డ్ సెట్ చేసింది. అందులోను.. యుఎస్‌లో రెండు 10 మిలియన్ డాలర్ల సినిమాలు ఉన్నది ఒక్క ప్రభాస్‌కు మాత్రమే. అయితే.. నార్త్ అమెరికాలో కల్కి ప్రభంజనం ఇంతటితో ఆగేలా లేదు. ఇప్పటికే 11.5 మిలియన్ డాలర్స్ రాబట్టిన కల్కి.. 12 మిలియన్ డాలర్లకి చేరువలో ఉంది. అంతేకాదు.. వరుసగా 5 రోజులు 1 మిలియన్ డాలర్లకి పైగా వసూళ్లు రాబట్టి.. నార్త్ అమెరికాలో మరో ఆల్ టైమ్ రికార్డు క్రియేట్ చేసింది. అలాగే.. నార్త్ అమెరికాలో అతి త‌క్కువ సమయంలో 100 కోట్ల గ్రాస్ వసూళ్లు సాధించిన ఇండియన్ చిత్రంగా కల్కి నిలిచింది. మరోవైపు హిందీలో కూడా 135 కోట్లు రాబట్టిది. ఏదేమైనా.. కల్కి అమెరికా బాక్సాఫీస్‌ను షేక్ చేస్తుందనే చెప్పాలి.
చదవండి:Ram Charan: రామ్ చరణ్‌, నిఖిల్ సినిమా షురూ!
