ప్రశాంత్ వర్మ, తేజ సజ్జా కాంబినేషన్లో తెరకెక్కుతున్న ‘హనుమాన్’ చిత్రం.. ఇప్పటికే చాలాసార్లు వాయిదా పడింది. గ్రాఫిక్స్ కారణంగా ఈ సినిమా రిలీజ్ వాయిదా పడుతూ వస్తోంది. ముందుగా మే 12న రిలీజ్ చేయాలనుకున్నారు. ఆ తర్వాత ఆగస్టు 25న వస్తుందని అనుకున్నారు. కానీ ఫైనల్‌గా సంక్రాంతి బరిలోకి దూసుకొస్తోంది హనుమాన్ సినిమా. జనవరి 12న హనుమాన్ సినిమాను రిలీజ్ చేయనున్నట్టు చిత్ర యూనిట్ ఇప్పటికే ప్రకటించింది.
చదవండి: Salaar: ‘సలార్’ సెకండ్ సాంగ్ వచ్చేస్తోంది!
అయితే, సంక్రాంతి సీజన్‌లో రవితేజ ‘ఈగల్’, నాగార్జున ‘నా సామిరంగ’, వెంకటేష్ ‘సైంధవ్‌’ సినిమాలు కూడా రిలీజ్ అవుతున్నాయి. అలాగే మహేష్ బాబు, త్రివిక్రమ్ మోస్ట్ అవైటేడ్ ప్రాజెక్ట్ ‘గుంటూరు కారం’ కూడా రిలీజ్ అవుతోంది. అయినా కూడా తగ్గేదేలే అంటున్నారు హనుమాన్ మేకర్స్. ఈ విషయంలో హనుమాన్ డైరెక్టర్ ప్రశాంత్ వర్మ క్లారిటీ ఇచ్చాడు. గతంలో రిలీజ్ చేసిన టీజర్ హనుమాన్ సినిమా పై భారీ హైప్ క్రియేట్ చేయగా.. తాజాగా రిలీజ్ చేసిన ట్రైలర్ హైప్‌ని డబుల్ చేసింది. ఈ ట్రైలర్ లాంచ్ ఈవెంట్‌లో గుంటూరు కారం క్లాష్ పై ఇంట్రెస్టింగ్ కామెంట్స్ చేశాడు ప్రశాంత్.
చదవండి: Ravi Teja: రవితేజ ‘ఈగల్’ ట్రైలర్‌కు ముహూర్తం ఫిక్స్!
‘హనుమాన్ రిలీజ్ డేట్‌ని చాలా రోజుల ముందే ప్రకటించాము. జనవరి 12న సినిమా వస్తుందని మేము చెప్పిన చాలా రోజుల తర్వాత.. మహేష్ బాబు ‘గుంటూరు కారం’ వస్తుందని చెప్పారు. కానీ అప్పటికే హిందీతో పాటు ఇతర భాషల్లో అగ్రిమెంట్స్ కంప్లీట్ అయిపోయాయి. దాంతో క్లాష్ తప్పట్లేదు. కానీ మహేష్ బాబుకి నేను కూడా వీరాభిమానినే. ఫస్ట్ డే హనుమాన్‌తో పాటు గుంటూరు కారం సినిమా కూడా చూస్తానని..’ చెప్పుకొచ్చాడు. దీంతో ప్రస్తుతం ప్రశాంత్ వర్మ చేసిన కామెంట్స్ సోషల్ మీడియాలో వైరల్‌గా మారాయి.
