హీరో సిద్ధార్థ్(Hero siddarth) లవ్ పెయిల్యూర్ గురించి రిపోర్టర్‌కు షాకింగ్ రిప్లై(Shocking Reply) ఇచ్చాడు. తాజాగా ఆయన ‘టక్కర్‌’ (TAKKAR) సినిమాతో ప్రేక్షకుల ముందుకు రానున్నాడు. ఈ మూవీ ప్రమోషన్‌లో భాగంగా మేకర్స్ ప్రెస్‌మీట్‌ నిర్వహించారు. మీడియా సమావేశంలో సిద్దార్థ్ కు అనుకోని ప్రశ్న ఎదురైంది. ‘‘రీల్‌ లైఫ్‌లో విజయవంతమైన ప్రేమకథల్లో నటించిన మీరు ప్రేమలో సక్సెస్‌ కాలేకపోయారు? దాని గురించి ఎప్పుడైనా ఆలోచించారా?’’ అని ఓ రిపోర్టర్ అడిగారు.
రిపోర్టర్ ప్రశ్నకు హీరో సిద్దార్థ్(Hero siddarth) స్పందిస్తూ..‘‘ఇలాంటి విషయం గురించి ఇప్పటివరకూ నేను ఆలోచించలేదు. కానీ, నా రియల్‌లైఫ్‌ లవ్ గురించి మీరు ఎక్కువగా ఆలోచిస్తున్నారు కాబట్టి, మనిద్దరం పర్సనల్‌గా కూర్చొన్నప్పుడు మాట్లాడుకుందాం. ఎందుకంటే, ఈ ప్రెస్‌మీట్‌కు దానికి అసలు సంబంధం లేదు’’ అంటూ ఫైర్ అయ్యారు.
చదవండి: Director Teja: షకీలాను అలా చూసి ఆఫర్ ఇచ్చా.. తేజ కామెంట్స్ వైరల్!
‘టక్కర్‌’ (TAKKAR) సినిమా కథ చెప్పిన వెంటనే తనకెంతో నచ్చేసిందని, ముఖ్యంగా లవ్‌స్టోరీ, అందులోనూ హీరోయిన్‌ పాత్ర విభిన్నంగా అనిపించాయన్నారు. ఇది తప్పకుండా కమర్షియల్‌ హిట్‌ అవుతుందని, ఈ మూవీ తర్వాత ప్రతి మూడు నెలలకు తన సినిమా రిలీజ్‌ అవుతుందని అన్నారు. ‘మహా సముద్రం’ సినిమా తర్వాత సిద్దార్థ్(Hero siddarth) నటించిన చిత్రం ‘టక్కర్‌’ కావడంతో ఈ మూవీపై భారీ అంచనాలున్నాయి. ఈ మూవీకి శంకర్ అసిస్టెంట్‌ కార్తిక్‌ దర్శకత్వం వహిస్తున్నారు. జూన్‌ 9న ఈ సినిమా విడుదల కానుంది.
