Hanuman: ప్రశాంత్ వర్మ దర్శకత్వంలో తేజ సజ్జ నటించిన పాన్-ఇండియన్ చిత్రం హనుమాన్. మొదటి నుంచి ఈ మూవీపై మంచి బజ్ ఉంది. దానికి తోడు ప్రమోషన్స్, కొన్ని వివాదాలు మూవీకి మరింత హైప్ తీసుకువచ్చాయి. ఇప్పుడు ఈ చిత్రం బాక్సాఫీస్ వద్ద బ్లాక్‌బస్టర్‌గా మారింది. మూవీ అద్భుతం అనే కామెంట్స్ వినపడుతున్నాయి. ఎక్కడ చూసినా మూవీకి పాజిటివ్ టాక్ రావడం విశేషం. కాగా, తాజాగా హనుమాన్ OTT స్ట్రీమింగ్, శాటిలైట్ భాగస్వామి వివరాలు అధికారికంగా విడుదలయ్యాయి.
ఇది కూడా చూడండి: Amazon Rainforest: అమెజాన్ అడవుల్లో అతి పురాతన నగరం
ఈ చిత్రం శాటిలైట్, డిజిటల్ హక్కులను ZEE స్టూడియోస్ కొనుగోలు చేసింది. చాలా కాలం క్రితం హనుమాన్ దాదాపు 30 కోట్లకు అమ్ముడుపోయినట్లు సమాచారం. ఇప్పుడు సినిమా అధికారిక శాటిలైట్ పార్టనర్ ZEE తెలుగు, డిజిటల్ పార్టనర్ ZEE 5 అని ప్రకటించారు. మరోవైపు, హనుమాన్ భారీ పాన్ ఇండియన్ బ్లాక్‌బస్టర్‌గా మారడానికి సిద్ధంగా ఉన్నాడు. హిందీలో ఈవినింగ్ షోలు గణనీయంగా పెరుగుతాయని అంచనా వేశారు. అంచనాలు సినిమా లాంగ్ రన్‌ని సూచిస్తున్నాయి. హిందీ మార్కెట్‌ను లక్ష్యంగా చేసుకోవడానికి మేకర్స్ విశ్వప్రయత్నాలు చేసారు. అది ఫలించింది. ఈ చిత్రానికి హిందీ మార్కెట్‌లో మంచి ఆదరణ లభించింది, పలువురు హిందీ విమర్శకులు దీనికి అత్యంత సానుకూల సమీక్షలను అందించారు.
ఇది కూడా చూడండి: Sam Altman: బాయ్‌ఫ్రెండ్‌ని పెళ్లాడిన ఓపెన్‌ఏఐ సీఈవో
తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్ , జపనీస్ వంటి అనేక భారతీయ భాషలలో హనుమాన్ ప్రపంచవ్యాప్తంగా విడుదలైంది. ఇందులో తేజ సజ్జ, అమృత అయ్యర్, వరలక్ష్మి శరత్‌కుమార్, వినయ్ రాయ్ కీలక పాత్రల్లో నటించారు.
ఇది కూడా చూడండి: Copper Utensils: రాగి పాత్రలో నీరు తాగడం కూడా ప్రమాదమేనా?
