దసరా ప్రమోషన్స్‌తో ధూమ్ ధామ్ అంటూ తెగ సందడి చేస్తున్నాడు న్యాచురల్ స్టార్ నాని. పాన్ ఇండియా స్థాయిలో తెరకెక్కిన ఈ సినిమా.. మార్చి 30న ఐదు భాషల్లో విడుదల కానుంది. ఇప్పటికే నాని దేశవ్యాప్తంగా తిరుగుతు ప్రమోషన్స్ చేస్తున్నాడు. ఈ క్రమంలో దసరా ప్రీ రిలీజ్ ఈవెంట్‌కి వెన్యూ అండ్ డేట్ ఫిక్స్ చేశారు. నాని నవరాత్రి యాత్రలో భాగంగా.. మార్చి 26న అనంతపూర్‌లో ప్రమోషన్స్ షెడ్యూల్ చేశారు. ఇప్పుడు అదే రోజు ప్రీ రిలీజ్ ఈవెంట్ చేస్తున్నట్టు మేకర్స్ క్లారిటీ ఇచ్చారు. అనంతపురంలోని ఆర్ట్స్ కాలేజి గ్రౌండ్‌లో.. మార్చ్ 26 వ తేదీన ఈ ఈవెంట్ ను నిర్వహించనున్నారు. అయితే ఈ ఈవెంట్‌కు ఎవరైనా స్టార్ హీరోలు గెస్టుగా వస్తున్నారా.. లేదంటే దసరా టీమే రచ్చ చేస్తుందా.. అనే విషయంలో క్లారిటీ రావాల్సి ఉంది. కానీ దసరా ఈవెంట్ మాత్రం ధూమ్ ధామ్ రేంజ్‌లో ఉంటుందని చెప్పొచ్చు. ఇక తెలంగాణ సింగ‌రేణి బ్యాక్ డ్రాప్‌లో తెరకెక్కిన ఈ సినిమాతో.. శ్రీకాంత్ ఓదెల దర్శకుడిగా పరిచయం అవుతున్నాడు. కీర్తి సురేష్ హీరోయిన్‌గా నటిస్తోంది. నాని ‘ధరణి’ పాత్రలో నటిస్తుండగా.. వెన్నెలగా కీర్తి దుమ్ముదులపబోతోంది. హీరో, హీరోయిన్లు ఇద్దరు కూడా ఈ సినిమాలో డీ గ్లామర్‌గానే కనిపించబోతున్నారు. ఇప్పటికే రిలీజ్ అయిన ట్రైలర్, ధూమ్ ధామ్ దోస్తాన్ సాంగ్‌తో.. ఊరమాస్‌కి మించిన సినిమా అని చెప్పేశారు. అలాగే నాని కెరీర్లో ఇదే హైయెస్ట్ బడ్జెట్ అండ్.. హో ఓల్టేజ్ యాక్షన్ ఎంటర్టైనర్ అని చెప్పొచ్చు. ఇప్పటికే కొత్త దర్శకుడు అయినా కూడా శ్రీకాంత్ ఓదెల.. ఈ సినిమాపై భారీగా అంచనాలు పెంచేశాడు. ఎస్ఎల్‌వీ సినిమాస్ బ్యానర్‌పై సుధాకర్ చెరుకూరి ఈ సినిమాను నిర్మిస్తున్నారు. మరి దసరా ఎలా ఉంటుందో చూడాలి.
