Aaradhya Song Released By Kushi Movie
Kushi Movie: రౌడీ హీరో విజయ్ దేవరకొండ (vijay), సమంత కలిసి నటిస్తున్న చిత్రం ఖుషి (Kushi Movie). ఈ సినిమా మీద మంచి హైప్ ఏర్పడింది. ఫస్ట్ సింగిల్ నా రోజా నువ్వే అంటూ ప్రేమికులను కట్టిపడేశారు మేకర్లు. ఇప్పుడు ఈ చిత్రం నుంచి రెండో పాటను రిలీజ్ చేశారు. ఆరాధ్య అంటూ సాగే ఈ పాట ఇప్పుడు ప్రేమికుల గీతంగా నిలిచిపోయేలా ఉంది.
చదవండి: Pawan 4 పెళ్లిళ్లు చేసుకుంటే మీకేం సమస్య, సీఎం జగన్‌పై అయ్యన్న నిప్పులు
ఈ పాటను శివ నిర్వాణ తెలుగులో రాయగా.. తమిళంలో మదన్ కార్కీ సాహిత్యాన్ని అందించారు. తెలుగు, తమిళంలో సిధ్ శ్రీరామ్, చిన్మయి ఆలపించారు. హిషామ్ అబ్దుల్ వాహబ్ అందించిన బాణీ శ్రోతలకు వినసొంపుగా ఉన్నాయి. ఈ పాటలో సమంత, విజయ్ కెమిస్ట్రీ మరింత హైలెట్ అవుతోంది. శివ నిర్వాణ కొరియోగ్రఫీ అందరినీ ఆకట్టుకుంటుంది.
మైత్రీ మూవీ మేకర్స్ నిర్మిస్తోన్న మూవీకి సంబంధించిన ప్రతీ అప్‌డేట్ సోషల్ మీడియాలో ట్రెండ్ అవుతూనే ఉంది. ఈ పాటకు మ్యూజిక్ లవర్స్ అంతా ఫిదా కానున్నారు. ‘నా రోజా నువ్వే’ అనే పాట యూట్యూబ్‌లో వంద మిలియన్లకు చేరువలో ఉంది. ఇప్పుడు సెకండ్ సింగిల్ ‘ఆరాధ్య’తో మరోసారి ‘ఖుషి’ (Kushi Movie) సినిమా ట్రెండ్ అవ్వడం ఖాయం. చార్ట్ బస్టర్ లిస్ట్‌లో ఆరాధ్య పాట కూడా చేరనుంది. సెప్టెంబర్ 1వ తేదీన తెలుగుతోపాటు తమిళం, మళయాల, కన్నడ, హిందీ భాషల్లో మూవీ విడుదల చేస్తారు.
