పెళ్లంటే అతిథులు, బంధువుల సంతోషం (Happiness) సరదా సందడి మధ్య సాగే అపురూప ఘట్టం. అయితే పెళ్లీ వేడుకల్లో ఎన్నో మరుపురాని సరదా సన్నివేశాలు జరుగుతుంటాయి. ఇవి జీవితంలో స్పెషల్‌గా నిలిచిపోతాయి.పెళ్లిళ్లల్లో విందు భోజనాలు (Meals) సాధారణమైన విషయమే కాకుండా అది తమ తాహతును తెలిపే విషయంగా పెళ్లి పెద్దలు భావిస్తుంటారు. మర్యాదలో ఎలాంటి లోపాలు రాకుండా జాగ్రత్త వహిస్తారు. కొన్ని సార్లు విందు విషయంలో ఘర్షణలు తలెత్తుతాయి. అవి చినికి చినికి గాలి వానలా మారి తీవ్ర పరిణామాలకు దారి తీస్తాయి. అలాంటి వీడియోలు సోషల్ మీడియా(Social media)లో వైరల్ అవుతుంటాయి.
చదవండి : Deadline : వీటి గడువుసెప్టెంబర్ 30 లాస్ట్ డేట్…. పూర్తి చేశారా?
పాకిస్థాన్ (Pakistan)లో జరిగిన ఓ వివాహ వేడుక (Wedding)లో ఘర్షణ చోటు చేసుకుంది. వివాహ విందు సమయంలో అతిథులు కుర్చీలతో కొట్టుకున్నారు. ఇందుకు సంబంధించిన వీడియో ప్రస్తుతం వైరల్ అవుతోంది. వివాహానికి హాజరైన అతిథులంతా విందు (Dinner) ఆరగించడం ప్రారంభించారు. అంతా ఎవరి టేబుల్స్‌ వద్ద వాళ్లు కూర్చొని భోజనాలు చేస్తున్నారు. ఇంతలో ఓ టేబుల్‌ వద్దకు వచ్చిన వ్యక్తి.. అక్కడ విందు ఆరగిస్తున్న అతిథి తలపై ఉన్న టోపీ (Hat)ని తీసేస్తాడు. దీంతో ఇద్దరి మధ్య గొడవ జరిగింది. క్షణాల్లోనే అది పెద్ద గొడవకు దారి తీస్తుంది. అక్కడున్న వారు కూడా జోక్యం చేసుకోవడంతో పరిస్థితులు హింసాత్మకంగా మారిపోతాయి. ఒకరికొకరు కుర్చీలతో కొట్టుకోవడం మొదలు పెడతారు.
చదవండి : Russiaకు వివేక్‌ రామస్వామి భారీ ఆఫర్‌.. నేను అధ్యక్షుడినైతే ఆ పని చేస్తా
ఇలా చాలాసేపు ఫైటింగ్ (Fighting) కొనసాగుతుంది. చివరికి కొందరు బంధువులు కలుగజేసుకోవడంతో కొద్దిసేపటికి ఘర్షణ సద్దుమణుగుతుంది.ఆగస్టు 24వ తేదీ ఈ ఘటన చోటు చేసుకోగా ఆలస్యంగా వెలుగులోకి వచ్చింది. ప్రస్తుతం ఈ వీడియో నెట్టింట వైరల్ అవుతోంది. ఇది చూసిన నెటిజన్లు (Netizens) రకరకాలుగా కామెంట్స్‌ చేస్తున్నారు. ‘నాకు తగినన్ని మాంసం ముక్కలు లభించకపోతే ఇలానే విసుగు చెందుతాను’ అంటూ వ్యాఖ్యానిస్తున్నారు. ఆరు నిమిషాల నిడివి గల ఈ వీడియో (Video) ను ఇప్పటి వరకు 3 లక్షలకు పైగా వీక్షించారు.
చదవండి : The Freelancer Review: ప్రేక్షకులను కనురెప్ప వాల్చనీయని వెబ్ సిరీస్
Kalesh during marriage ceremony in pakistan over mamu didn’t got Mutton pieces in biriyani pic.twitter.com/mYrIMbIVVx
— Ghar Ke Kalesh (@gharkekalesh) August 29, 2023
