Pak Leader: ‘ఒకే సారి స్వాతంత్రం వచ్చిన దేశాలు భారత్‌, పాకిస్థాన్‌లు. భారత్‌ ఓ వైపు సూపర్‌ పవర్‌గా ఎదగాలని కలలు కంటూ ముందుకు వెళుతుంటే మరో వైపు పాకిస్థాన్ అడుక్కుతింటోంది’ అంటూ ఓ పాక్‌ నేత మౌలానా ఫజ్లూర్ రెహ్మాన్(Maulana Fazlur Rehman) అన్నారు. పాక్‌ నేషనల్‌ అసెంబ్లీలో జమాత్ ఉలేమా ఈ ఇస్లాం ఫజల్ పార్టీ నేత అయిన ఆయన ఈ విధంగా వ్యాఖ్యలు చేశారు.
చదవండి : కోవీషీల్డ్‌తో సైడ్‌ఎఫెక్ట్స్‌ అరుదుగా ఉండొచ్చన్న ఆస్ట్రాజెనికా!
పాక్‌ నేషనల్‌ అసెంబ్లీ వేదికగా భారత్‌ను పోలుస్తూ పాక్‌ పరిస్థితిపై రెహ్మాన్ నిప్పులు చెరిగారు. ఇప్పుడు అక్కడున్న సంకీర్ణ ప్రభుత్వంపై విమర్శలు గుప్పించారు. భారత్‌(India) సూపర్‌ పవర్ గా(Superpower) ఎదుగుతుంటే పాక్‌ మాత్రం దివాలా నుంచి బయట పడేందుకు ఐఎంఎఫ్‌ను అడుక్కుంటోందని వ్యాఖ్యానించారు. పాకిస్థాన్ ఇస్లాం మతం ఆధారంగా ఏర్పడిందని గుర్తు చేశారు. అయితే ఇప్పుడు ఆ దేశం సెక్యులర్‌గా తయారైందని చెప్పుకొచ్చారు. పాక్‌లో(Pak) ఉన్న సమస్యలకు అక్కడి ప్రభుత్వాలు, నేతలే కారణమని రెహ్మాన్ దుయ్యబట్టారు. ఇస్లామిక్‌ ఐడియాలజీ సిఫార్సులు అక్కడ అమలు కావడం లేదని అన్నారు. వాటిని అమలు చేయడంలో ప్రభుత్వాలు విఫలం అవుతున్నాయని విచారం వ్య్తం చేశారు.
చదవండి : బరువు తగ్గడానికి సహాయం చేసే పండ్లివే!
