గత 40 రోజుల నుంచి ఇజ్రాయెల్ (Israel), పాలస్తీనా (Palestina) మధ్య భీకర యుద్ధం జరుగుతున్న సంగతి తెలిసిందే. ఇజ్రాయెల్ డిఫెన్స్ ఫోర్స్ హమాస్ (Hamas) ఉగ్రవాదులను అంతం చేస్తూ వస్తోంది. ఈ నేపథ్యంలో తాజాగా గాజా సిటీ (Gaza City)ని పూర్తిగా ఆక్రమించుకున్నట్లు వెల్లడించింది. హమాస్ పార్లమెంట్ భవనంలోకి (Parliament Building) ఇజ్రాయెల్ బలగాలు ప్రవేశించి జెండాలను ప్రదర్శించారు. ప్రస్తుతం దీనికి సంబంధించిన ఫోటోలను ఇజ్రాయెల్ డిఫెన్స్ ఫోర్స్ విడుదల చేసింది.
చదవండి: Israel Hamas War: 70మంది బందీలను విడుదల చేయడానికి హమాస్ సిద్ధం.. కాకపోతే ఓ షరతు
ఇజ్రాయెల్‌పై అక్టోబర్ 7వ తేదిన గాజా వేలాది రాకెట్లతో భీకర దాడులకు తెగబడింది. ఆ దాడుల తర్వాత ఇజ్రాయెల్ తన సైన్యంతో విరుచుకుపడింది. హమాస్ ఉగ్రవాదులను మట్టుబెట్టేందుకు ప్రతీకార దాడులను చేపట్టింది. ఈ నేపథ్యంలో గాజా సిటీని అష్టదిగ్భందనం చేసి సిటీలోకి ప్రవేశించింది. తాజాగా గాజా సిటీ మొత్తాన్ని తన స్వాధీనంలోకి తెచ్చుకుంది. అందులో భాగంగా గాజాలోని హమాస్ పార్లమెంట్ భవనాన్ని ఇజ్రాయెల్ సైన్యం స్వాధీనం చేసుకుంది.
చదవండి: Suella Braverman: భారత సంతతికి చెందిన మంత్రిని తొలగించిన బ్రిటిష్ ప్రధాని రిషి సునాక్
గాజా భూభాగంలో దాడులు చేపట్టగా హమాస్ గ్రూప్‌ (Hamas Group)కు చెందిన అగ్రనేతలంతా హతమయ్యారని ఇజ్రాయెల్ ఇప్పటికే వెల్లడించింది. ప్రస్తుతం హమాస్ సైన్యాన్ని నడిపించే సరైన నాయకులు లేరని, అందుకే చాలా మంది హమాస్ సైనికులు వారి ఆయుధాలను వదిలిపెట్టి తమకు లొంగిపోతున్నట్లు ఇజ్రాయెల్ సైన్యం (Israel Army) వెల్లడించింది.
చదవండి: Netherlands: నెదర్లాండ్స్ క్లైమేట్ ర్యాలీ.. మైక్ కోసం కొట్టుకున్న కార్యకర్తలు
మరోవైపు ఇజ్రాయెల్ సైన్యంపై హమాస్ సంస్థ తీవ్ర ఆరోపణలు చేసింది. అమాయక పౌరులను అడ్డం పెట్టుకుని ఇజ్రాయెల్ సైన్యం యుద్ధం చేస్తోందని విమర్శించింది. హమాస్‌కు కేంద్రం అయిన పార్లమెంట్ భవనంలోకి ఇజ్రాయెల్ సైన్యం ప్రవేశించడం ఒకరకంగా హమాస్ ఓటమికి కారణమని పలువురు నిపుణులు అభిప్రాయం వ్యక్తం చేస్తున్నారు. మరికొన్ని రోజుల్లోనే గాజా భూభాగాన్ని మొత్తం ఇజ్రాయెల్ తన హస్తగతం చేసుకుని ఆధీనంలోకి తెచ్చుకునే అవకాశం ఉందని చెబుతున్నారు.
