Six people were killed in one family nizamabad telangana
పాలస్తీనా మిలిటెంట్లు దక్షిణ ఇజ్రాయెల్‌లోకి చొరబడి డజన్ల కొద్దీ రాకెట్లను ప్రయోగించడంతో ఒక మహిళ మరణించినట్లు వార్తా సంస్థ AFP తెలిపింది. ఈ ఘటనలో గాజా ప్రాంతం నుంచి అనేక చొరబాట్లు, రాకెట్ దాడులు జరిగినట్లు ప్రకటించింది. ఈ క్రమంలో ఇజ్రాయెల్ సైన్యం అప్రమత్తమైంది. దేశం అంతటా సెలవు దినంగా ప్రకటించింది. ఈరోజు ఉదయం గాజా నుంచి సైరన్లు మోత మోగిన నేపథ్యంలో ఈ మేరకు ఆదేశాలు జారీ చేశారు. ఈ నేపథ్యంలో టెల్ అవీవ్ వరకు దక్షిణ ఇజ్రాయెల్‌లో హెచ్చరిక సైరన్లు మోగించబడ్డాయి. మనల్ని మనం రక్షించుకుందామని అని సోషల్ మీడియా ప్లాట్‌ఫారమ్ Xలో సైన్యం పోస్ట్ చేసింది.
అనేక మంది ఉగ్రవాదులు ఇజ్రాయెల్ భూభాగంలోకి చొరబడ్డారని ఇజ్రాయెల్ సైన్యం పేర్కొంది. ఇజ్రాయెల్ సరిహద్దు పట్టణమైన స్డెరోట్‌లో యూనిఫాం ధరించిన ముష్కరులుగా కనిపించిన వాటిని సోషల్ మీడియాలో చూపించారు. వీడియోలలో కాల్పుల శబ్దం వినబడుతోంది. గాజాలో 70 కిలోమీటర్ల దూరంలో ఉన్న టెల్ అవీవ్ వరకు గాలిలో రాకెట్ల శబ్దాలు వినిపించాయి. దక్షిణ ఇజ్రాయెల్‌లోని భవనాన్ని రాకెట్ ఢీకొనడంతో 70 ఏళ్ల మహిళ తీవ్రంగా గాయపడినట్లు ఇజ్రాయెల్‌కు చెందిన మాగెన్ డేవిడ్ అడోమ్ రెస్క్యూ ఏజెన్సీ తెలిపింది. మరోచోట రాకెట్ ష్రాప్‌నెల్‌తో 20 ఏళ్ల వ్యక్తి గాయపడ్డారు. ఈ నేపథ్యంలో దక్షిణ, మధ్య ఇజ్రాయెల్ అంతటా రాకెట్ దాడులు కొనసాగుతున్నందున, లక్షలాది మంది ఇజ్రాయెల్‌లు తమ ఇళ్లలోనే ఉండాలని అధికారులు ఆదేశాలు జారీ చేశారు. దీంతోపాటు గాజా పక్కన నివాసితులు తమ ఇళ్లలోనే ఉండాలని సైన్యం తెలిపింది.
హమాస్ సైనిక విభాగం నాయకుడు మహ్మద్ డీఫ్ ఇజ్రాయెల్‌పై కొత్త సైనిక చర్యను ప్రారంభించినట్లు చెప్పారు. ఆపరేషన్ అల్-అక్సా స్టార్మ్ ప్రారంభించడానికి శనివారం తెల్లవారుజామున ఇజ్రాయెల్‌పై 5,000 రాకెట్లను ప్రయోగించామని మహమ్మద్ డీఫ్ అన్నారు. ఇజ్రాయెల్‌ను వ్యతిరేకించే ఇస్లామిక్ మిలిటెంట్ గ్రూప్ అయిన హమాస్ 2007లో భూభాగంపై నియంత్రణను స్వాధీనం చేసుకున్నప్పటి నుంచి ఇజ్రాయెల్ గాజాపై దిగ్బంధనాన్ని కొనసాగించింది. అప్పటి నుంచి వీరు బద్ద శత్రువులుగా మారి ఇప్పటికే నాలుగు సార్లు యుద్ధాలు చేశారు.
ఇది కూడా చూడండి: Grinnell : వివేక్‌ రామస్వామి కారుని ఢీ కొట్టిన నిరసనకారులు..ఇదిగో వీడియో
