Ajith Hospitalized: కోలీవుడ్‌ అగ్ర హీరోల్లో ఒకరైన అజిత్‌ చెన్నైలోని ఓ ప్రైవేట్‌ ఆసుపత్రిలో చేరారంటూ వార్తలు వస్తున్నాయి. ఆయన ఆసుపత్రికి వెళుతున్న ఫోటోలు సోషల్‌ మీడియాలో చక్కర్లు కొడుతున్నాయి. దీంతో ఫ్యాన్స్‌ ఆయనకు ఏమైందో తెలియక ఆందోళన చెందుతున్నారు. అజిత్‌ త్వరగా కోలుకోవాలంటూ సోషల్‌ మీడియాల్లో కామెంట్లు, ట్వీట్లు చేస్తున్నారు.
చదవండి : నెట్టింట వైరల్‌గా మారిన ఈషా అంబానీ వజ్రాల బ్లౌజ్‌
అజిత్‌ సాధారణ హెల్త్‌ చెకప్‌ కోసమే తొలుత ఆసుపత్రికి వెళ్లారు. అయితే అనారోగ్య సమస్య ఉండటంతో ఆయన ఆసుపత్రిలో అడ్మిట్‌ అయ్యారని తెలుస్తోంది. దీంతో వైద్యుల సూచన మేరకు ఆయన అక్కడ అడ్మిట్‌ అయ్యారని వార్తలు వస్తున్నాయి. మరో రెండు మూడు రోజుల్లో డిశ్చార్జ్‌ అవుతారని అంటున్నారు.
చదవండి : ఫ్లిప్‌కార్ట్ బిగ్ అప్‌గ్రేడ్ సేల్ షురూ.. మిస్ అవకండి
అయితే ఈ ప్రచారాన్ని అజిత్‌(Ajith) సన్నిహిత వర్గాలు కొట్టిపరేస్తున్నాయి. అజిత్‌ తన నెక్ట్స్‌ సినిమా షూటింగ్‌ కోసం విదేశాలకు వెళ్లాల్సి ఉంది. అందుకోసమే మెడికల్‌ ఫార్మాలిటీలను పూర్తి చేయడంలో భాగంగా ఆయన ఆసుపత్రికి వెళ్లారని దగ్గర వారు చెబుతున్నారు. అవి పూర్తయిన వెంటనే ఆయన డిశ్చార్జ్‌ అవుతారని అంటున్నారు. అయితే ఈ విషయంపై అధికారికంగా ఇప్పటి వరకు ఎలాంటి ప్రకటన వెలువడలేదు.
