దర్శక ధీరుడు రాజమౌళి ఎంతో ప్రతిష్టాత్మకంగా తెరకెక్కించిన ఆర్ఆర్ఆర్ ఇంకా సంచలనాలు సృష్టిస్తునే ఉంది. ఇండియన్ బాక్సాఫీస్ దగ్గర 1200 కోట్లకు పైగా వసూళ్లు రాబట్టిన ఈ సినిమా.. అవార్డుల విషయంలో అంతకుమించి అనేలా దూసుకుపోతోంది. ఇటీవలే గోల్డెన్ గ్లోబ్స్ అవార్డు సహా రెండు క్రిటిక్స్ ఛాయిస్ అవార్డులను గెలుచుకుంది. అంతేకాదు.. జేమ్స్ కామెరూన్, స్టీవెన్ స్పిల్‌బ‌ర్గ్ లాంటి హాలీవుడ్ దిగ్గ‌జ ద‌ర్శ‌కులు సైతం ఆర్ఆర్ఆర్ పై ప్ర‌శంస‌లు కురిపించారు. దాంతో ఈ సారి ఆస్కార్ ఆర్ఆర్ఆర్ సొంతం అంటున్నారు. ప్రతిష్టాత్మక అకాడమీ అవార్డును అందుకోవడానికి అడుగు దూరంలో మాత్రమే ఉంది. జనవరి 24న ఆస్కార్ అఫిషీయల్ నామినేషన్స్ ప్రకటించనున్నారు. అందుకే ట్రిపుల్ ఆర్ మూవీని మరోసారి బిగ్ స్క్రీన్ పై చూసేందుకు ఆసక్తి చూపిస్తున్నారు నెటిజన్స్. ఈ క్రమంలో జనవరి 20న మరోసారి రీ రిలీజ్ చేయబోతున్నారు. ఇప్పటికే అడ్వాన్స్ బుకింగ్స్ కూడా స్టార్ట్ అయ్యాయి.
RRR Re-release
ప్ర‌స్తుతానికైతే ఆర్టీసీ క్రాస్‌రోడ్స్‌లోని దేవి థియేట‌ర్ బుకింగ్స్ మొద‌ల‌య్యాయి. దీంతో పాటు తెలుగు రాష్ట్రాల్లోని ప‌లు థియేట‌ర్ల‌లో ట్రిపుల్ ఆర్ రీ రిలీజ్ కానున్న‌ట్లు తెలుస్తోంది. ఐదు రోజుల పాటు ఈ సినిమా స్క్రీనింగ్ ఉండ‌బోతున్న‌ట్లు సమాచారం. ఈలోపు ఆస్కార్ లిస్ట్‌ కూడా వస్తుంది కాబట్టి.. ఆర్ఆర్ఆర్ క్రేజ్ మరింతగా పెరగనుంది. ఏదేమైనా గతేడాది మార్చి 25న రిలీజ్ అయిన ఆర్ఆర్ఆర్ మూవీని.. సంవత్సరం తిరగముందే.. రీ రిలీజ్ చేయడం విశేషం.
