ఖిలాడి, రామారావు ఆన్ డ్యూటీ.. బ్యాక్ టు బ్యాక్ ఫ్లాప్ అయ్యాయి. అయితే ఏంటి.. వెంటనే నెల రోజుల గ్యాప్‌లో సాలిడ్ హిట్స్ అందుకున్నాడు మాస్ మహారాజా రవితేజ. ధమకా, వాల్తేరు వీరయ్యతో 300 కోట్లు కొల్లకొట్టి.. మాస్ రాజా స్టామినా ఏంటో చూపించాడు. ఇక ఇప్పుడు అదే ఊపులో రావణాసురగా రాబోతున్నాడు. ప్రస్తుతం సుధీర్ వర్మ దర్శకత్వంలో ‘రావణాసుర’ అనే సినిమా చేస్తున్నాడు రవితేజ. ఏప్రిల్ 7న ఈ సినిమాను రిలీజ్ చేసేందుకు ప్లాన్ చేస్తున్నారు. ఇటీవలె రిలీజ్ అయిన రావణాసుర గ్లింప్స్, సాంగ్స్.. సినిమా పై అంచనాలను పెంచేశాయి. అయితే ఈ సినిమా అసలు కథేంటనే క్లూ ఇవ్వలేదు. అందుకే ఇప్పుడు సర్ప్రైజ్ ఇస్తూ.. టీజర్ టైం ఫిక్స్ చేశారు మేకర్స్. ఈ సినిమా టీజర్‌ను ఈ మార్చ్ 6న ఉదయం 10 గంటల 8 నిమిషాలకి రిలీజ్ చేస్తున్నట్టుగా అనౌన్స్ చేశారు. ఈ సందర్భంగా రిలీజ్ చేసిన మోషన్ పోస్టర్ అదిరిపోయింది. రవితేజ సీరియస్ లుక్ ఇంప్రెసివ్‌గా ఉంది. దాంతో టీజర్ కోసం వెయిటింగ్ అంటున్నారు మాస్ రాజా ఫ్యాన్స్. ఇక ఈ చిత్రంలో అనూ ఎమ్మాన్యుయేల్‌, పూజిత పొన్నాడ, దక్షా నగార్కర్‌, ఫరియా అబ్దుల్లా, మేఘా ఆకాశ్‌ హీరోయిన్లుగా నటిస్తున్నారు. సుశాంత్‌ విలన్‌గా నటిస్తున్నాడు. అభిషేక్ పిక్చర్స్‌, రవితేజ టీమ్‌ వర్క్స్‌ బ్యానర్లు సంయుక్తంగా ఈ చిత్రాన్ని నిర్మిస్తున్నాయి. హర్షవర్దన్ రామేశ్వర్‌- భీమ్స్‌ సిసిరోలియో సంగీతం అందిస్తున్నారు. ఇక ఈ సినిమా తర్వాత.. రవితేజ నుంచి పాన్‌ ఇండియా ప్రాజెక్ట్ టైగర్‌ నాగేశ్వర్‌ రావు రాబోతోంది. ప్రస్తుతం ఈ సినిమా షూటింగ్‌తో బిజీగా ఉన్నాడు మాస్ రాజా. ఆ తర్వాత కార్తిక్ ఘట్టమనేనితో కమిట్ అయ్యాడు.. త్వరలోనే ఈ ప్రాజెక్ట్ సెట్స్ పైకి వెళ్లనుంది.
