Nargis Fakhri remembers scary nights
Nargis Fakhri: నర్గీస్ ఫక్రీ తన బోల్డ్ పెర్ఫార్మెన్స్, హాట్, స్పెషల్ సాంగ్స్‌కి పేరుగాంచింది. ఆమె పవన్ కళ్యాణ్ పీరియాడిక్ ఎంటర్టైనర్ హరి హర వీర మల్లులో ఒక ముఖ్యమైన పాత్ర చేస్తోంది. ఈ చిత్రంలో ఆమె మొఘల్ ప్రిన్సెస్ రోషనారా పాత్ర పోషిస్తోంది.
చదవండి: 88 Percent రూ.2 వేల నోట్లు వెనక్కి: ఆర్బీఐ
తనకు వచ్చే భయంకరమైన కలల గురించి చెప్పి, అందరినీ భయపెట్టింది. ముంబైలో తన అపార్ట్‌మెంట్ పక్కనే స్మశానవాటిక ఉండేదని, ఆ ఇంట్లో ఎదురైన విచిత్రమైన అనుభవాల వల్ల ఢిల్లీకి వెళ్ళిపోవాల్సి వచ్చిందని చెప్పింది. “బాంద్రాలోని హిల్ రోడ్ లో తనకు అపార్ట్‌మెంట్ దొరికింది. ఇంటికి దగ్గరలో ఓ శ్మశానవాటిక ఉండేది. ఆ అపార్ట్ మెంట్‌లో ఉన్న సమయంలో తనకు రోజూ భయంకరమైన కలలు వచ్చేవి. రాత్రుళ్ళు నిద్ర పట్టేది కాదు. భయంతో వణికిపోయేదాన్ని రాత్రి మూడు గంటలకే నిద్ర లేచేదాన్ని” అని నర్గీస్ తెలిపింది.
“6 అడుగులు ఉండే ఓ దెయ్యం లాంటి వ్యక్తి అర్ధరాత్రి సమయంలో తనను బలవంతంగా స్మశానానికి తీసుకెళ్లేవాడు. చేతులతోనే సమాధులను తవ్వి శవాలను తినేవాడు. తనను కూడా ఆ ఎముకలను తినమని అడిగేవాడు. అదే పీడ కల వరుసగా మూడు నాలుగు రోజులు వచ్చింది. భయంతో వెంటనే టీమ్‌కి చెప్పి, ఆ ఇల్లు వదిలేసి ఢిల్లీకి వచ్చేశాను” అని నర్గీస్ ఫక్రీ చెప్పుకొచ్చింది. ఆ కల వింటే, ఇతరులకు కూడా భయం కలిగేలా ఉంది.
