Adivi Sesh Gudhachari 2 Latest Update!
Adivi Sesh: క్షణంతో మొదలైన అడివి శేష్ బాక్సాఫీస్ విజయం.. ఇప్పుడు పాన్ ఇండియా స్థాయికి చేరుకుంది. చివరగా మేజర్, హిట్ 2తో ఫ్రాంచైజీతో బ్యాక్ టు బ్యాక్ హిట్స్ అందుకున్నాడు. ఇక ఈ సినిమా తర్వాత మరో బ్లాక్ బస్టర్ ఇచ్చేందుకు రెడీ అవుతున్నాడు. ఐదేళ్ల క్రితం శేష్ నుంచి వచ్చిన ‘గూఢచారి’ బ్లాక్ బస్టర్‌గా నిలిచిన సంగతి తెలిసిదే. అప్పుడే ఆ సినిమాకు సీక్వెల్ ఉంటుందని ప్రకటించారు. ఈ ప్రాజెక్ట్‌ను ‘జీ2’గా అనౌన్స్ చేశారు. ప్రస్తుతం ఈ సినిమా పనులతో బిజీగా ఉన్నాడు అడివి శేష్. పాన్ ఇండియా రేంజ్‌లో భారీ స్థాయిలో ఈ ప్రాజెక్ట్ రాబోతోంది. అందుకోసం ఏకంగా మూడు నిర్మాణ సంస్థలు రంగంలోకి దిగాయి.
చదవండి: Stock market: భారీగా లాభపడ్డ సెన్సెక్స్.. నిఫ్టీ కూడా
పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఏకే ఎంటర్టైన్మెంట్స్ సంస్థలు సంయుక్తంగా భారీ బడ్జెట్‌తో ఈ సినిమాను నిర్మిస్తున్నాయి. ఈ సినిమాకు డైరెక్టర్ మారిపోయాడు. గూఢచారి డైరెక్టర్ శశి కిరణ్ తిక్కా ఈ ప్రాజెక్ట్ నుంచి తప్పుకున్నాడు. ‘మేజర్’ చిత్రానికి ఎడిటర్‌గా పనిచేసిన వినయ్ కుమార్ సిరిగినీడి ఈ సినిమాతో దర్శకుడిగా పరిచయం అవుతున్నాడు. ఈ సినిమా నుంచి ఈ మధ్య ఎలాంటి అప్డేట్ బయటికి రావడం లేదు. తాజాగా ‘గూఢచారి’ విడుదలై 5 సంవత్సరాలు పూర్తి చేసుకున్న సందర్భంగా సోషల్ మీడియాలో ఓ పోస్టు పెట్టాడు అడివి శేష్.
‘జీ2’, గూఢచారిని మించి ఉండేలా.. బెస్ట్ ఔట్ పుట్ కోసం ప్రీ ప్రొడక్షన్ పనులు పెద్ద ఎత్తున జరుగుతోందని చెప్పుకొచ్చాడు. ఈ సినిమా ప్రీ ప్రొడక్షన్ పనులు వేర్వేరు దేశాల్లో జరుగుతున్నట్లు వెల్లడించాడు. ఈ సినిమాను నిజమైన పాన్ ఇండియా ప్రాజెక్ట్‌గా ఆడియెన్స్ ముందుకు తీసుకొస్తానని సోషల్ మీడియాలో రాసుకొచ్చాడు. గూఢచారి2తో ఇంటర్నేషనల్ స్టాండర్డ్స్‌ను రీచ్ అవ్వాలని.. పక్కా ప్లానింగ్‌తో ముందుకు సాగుతున్నాడు. మరి గూఢచారి2 ఎలా ఉంటుందో చూడాలి.
