RC 16 ready.. Ram Charan as the latest?
RC 16: రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ షూటింగ్.. ప్రస్తుతం శరవేగంగా జరుగుతుంది. మరి కొద్దిరోజుల్లో ఈ సినిమా షూటింగ్ పూర్తి అవుతుంది. త్వరలోనే ఈ సినిమా రిలీజ్ డేట్‌ను అనౌన్స్ చేయనున్నారు మేకర్స్. దీంతో ఆర్సీ 16కి రంగం సిద్ధం చేసుకుంటున్నాడు బుచ్చిబాబు. ఇప్పటికే ఈ సినిమా లాంఛనంగా ఎప్పుడో ప్రారంభం అయింది. జాన్వీ కపూర్ హీరోయిన్‌గా నటిస్తుంది. ఆస్కార్ విన్నర్ ఏఆర్ రెహమాన్ మ్యూజిక్ అందిస్తున్నారు. ఇప్పటికే సాంగ్స్ కూడా కంపోజ్ అయిపోయాయి. ఇక కన్నడ స్టార్ శివరాజ్ కుమార్ కూడా కీలక పాత్రలో నటిస్తున్నారు. విలేజ్ బ్యాక్ డ్రాప్‌ స్పోర్ట్స్ డ్రామాగా ఉత్తరాంధ్ర నేపథ్యంలో ఈ సినిమా ఉండబోతోంది. ఇప్పటికే ఉత్తరాంధ్ర వారికోసం క్యాస్టింగ్ కాల్ కూడా నిర్వహించారు.
చదవండి:Kalki: లీకైన కల్కి సెకండ్ ట్రైలర్.. ఫైట్స్ చూస్తే మతిపోతోంది.
మరోవైపు రంగస్థలం రేంజ్‌లో భారీ విలేజ్ సెట్ కూడా వేస్తున్నారు. ఇక ఇప్పుడు అంతా సిద్ధం చేసుకొని.. షూటింగ్‌కు వెళ్లడమే లేట్ అని వెయిట్ చేస్తున్నాడు బుచ్చిబాబు. లేటెస్ట్ అప్డేట్ ప్రకారం.. ఈ సినిమా రెగ్యులర్‌ షూటింగ్‌ను ఆగస్ట్‌లో మొదలుపెట్టబోతున్నారని తెలిసింది. గేమ్ చేంజర్ షూటింగ్ కంప్లీట్ అయిన తర్వాత వెకేషన్ ప్లాన్ చేసుకున్నాడు రామ్ చరణ్. ఆ తర్వాత తిరిగి రాగానే ఆర్సీ 16 షూటింగ్‌లో జాయిన్ అవనున్నాడు. అయితే.. ఈ గ్యాప్‌లో చరణ్ మాస్ ట్రాన్స్ఫర్మేషన్ లోకి మారనున్నట్టుగా తెలుస్తోంది. ఈ సినిమా కోసం చరణ్ మరోసారి తన బాడీని బిల్డప్ చేయనున్నాడట. అంతేకాకుండా లాంగ్ హెయిర్ లుక్‌లోకి కూడా చరణ్ మారనున్నాడని తెలుస్తోంది. అందుకే.. ఆగష్టు నెల వరకు సమయం పడుతుందని అంటున్నారు. మరి బుచ్చిబాబు, రామ్ చరణ్‌ని ఎలా హ్యాండిల్ చేస్తాడో చూడాలి.
చదవండి:Mirzapur 3: మీర్జాపూర్ 3 ట్రైలర్ వచ్చేసింది.. స్ట్రీమింగ్ ఎప్పుడంటే?
