the-trailer-of-mirzapur-3-is-here-when-will-it-be-streaming-on-amazon
Mirzapur 3: సినిమా లవర్స్ చాలా కాలంగా ఓటీటీ(OTT)లకు అలవాటు పడిపోయారు. దాంతో ఓటీటీ కంటెంట్‌కు మంచి ఆదరణ లభిస్తోంది. రెండు సంవత్సరాల క్రితం అమెజాన్ ప్రైమ్(Amazon Prime)లో మీర్జాపూర్ అనే వెబ్ సిరీస్ స్ట్రీమింగ్ అయింది. దాంతో సరికొత్త క్రైమ్ కామెడీ థ్రిల్లర్స్‌కు బాటపడింది. మీర్జాపూర్ సిరీస్‌లకు కల్ట్ ఫ్యాన్స్ ఉన్నారంటే అతిశయోక్తి కాదు. ఇది వరకే రెండు సీజన్లు వచ్చి ప్రేక్షకుల చేత మంచి ఆదరణ పొందాయి. ఇప్పుడు సీజన్ 3 స్ట్రీమింగ్ కాబోతుంది. తాజాగా దీనికి సంబంధించిన ట్రైలర్ సైతం విడుదల అయింది. దీన్ని బట్టి చూస్తే రెండు సీజన్లు ఒక ఎత్తు అయితే మూడోది మాములుగా ఉండదని తెలుస్తుంది. కస్ వర్డ్స్, అడల్ట్ సీన్స్ మాత్రమే కాకుండా స్టోరీ కూడా చాలా ఇంట్రెస్టింగ్‌గా ఉంటుందని ట్రైలర్ చూస్తుంటే అర్థం అవుతుంది. ప్రేక్షకులంతా ఈ సీజన్ కోసం ఎంతో ఆసక్తిగా ఎదురుచూస్తున్నారు. జూలై 5 అమెజాన్ ప్రైమ్‌లో స్ట్రీమింగ్ అవుతుంది.
చదవండి:Ananya Aggarwal: మజిలీలో నాగచైతన్య డాటర్ గుర్తుందా.. ఇప్పుడు చూస్తే మెంటలెక్కిపోతారు
సీజన్ 2 ముగింపులో మున్నా(దివ్యేందు శర్మ) గుడ్డు (అలీ ఫజల్‌) చేతిలో చ‌నిపోతాడు. ఇక మీర్జాపూర్ సింహాసనం గుడ్డు సొంత చేసుకుంటాడు. ఇంత‌కుముందు ఖాలీన్ (పంకజ్‌ త్రిపాఠి) చేతిలో ఉన్న మీర్జాపూర్‌ను గుడ్డు ఎలా శాసిస్తాడు అనేది ఆసక్తిగా మారింది. తాజా ట్రైలర్‌లో గుడ్డు జైలు వెళ్లడం, అతన్ని చిత్రహింసలు పెట్టడం ప్రధానంగా కనిపిస్తుంది. మ‌రోవైపు గుడ్డుని చంపి మీర్జాపూర్‌ను లోక‌ల్ గ్యాంగ్స్ దాన్ని వశం చేసుకోవాలని చూస్తుంటారు. ఈ క్ర‌మంలోనే గుడ్డు ఏం చేస్తాడు అనేది సీజన్ 3లో చూడాలి. శ్వేతా త్రిపాఠి, అలీ ఫజల్‌, హర్షిత గౌర్‌, విజయవర్మ తదితరులు నటిస్లున్నారు. గుర్మీత్‌సింగ్‌, ఆనంద్ అయ్య‌ర్ సంయుక్తంగా దర్శకత్వం వ‌హిస్తున్న ఈ సిరీస్ జూలై 05 నుంచి అమెజాన్ ప్రైమ్ వీడియోలో స్ట్రీమింగ్ అవుతుంది.
మొదటి సీజన్ 2018 నవంబరు 16న విడుదలైంది. పంకజ్‌ త్రిపాఠి, శ్వేతా త్రిపాఠి, దివ్యేందు శర్మ, అలీ ఫజల్‌, శ్రియ పిల్గోంగర్‌, హర్షిత గౌర్‌ తదితరులు నటించారు. ఇక దీనికి కొనసాగింపుగా 2020 అక్టోబరు 23న రెండో సీజన్ రిలీజ్ అయింది. ఇది కూడా సూపర్‌ హిట్‌ అయ్యింది. తొలి సీజన్లో గుడ్డు, తన తమ్ముడు బబ్లూ, భార్య శ్వేతలను మున్నా ఎన్ని ఇబ్బందులు పెట్టాడో చూపించారు. రెండో సీజన్లో మున్నాపై గుడ్డుఎలా ప్రతీకారం తీర్చుకున్నాడో చూపించారు. ఇప్పుడు గుడ్డు ఏం చేయబోతున్నాడో ఈ సీజన్లో చూడాలి.
Viraasat cheen li gayi hai, par dehshat kaayam hai 🔥 #MirzapurOnPrime, July 5 pic.twitter.com/6264RCWfi4
— prime video IN (@PrimeVideoIN) June 20, 2024
