Do you remember Majili Naga Chaitanya's daughter Ananya Aggarwal?
Ananya Aggarwal: నాగచైతన్య కెరియర్ హిట్‌ లిస్టులో మజిలీ చిత్రం టాప్ ప్లేస్‌లో ఉంటుంది. క్లాస్ ఆడియెన్స్‌కు, మాస్ ఆడియెన్స్‌కు కనెక్ట్ అయిన ఈ చిత్రం వసుళ్ల పరంగా కూడా దుమ్మురేపింది. కేవలం రూ. 20 కోట్లతో తెరకెక్కించిన మజిలీ చిత్రం దాదాపు రూ. 70 కోట్లు వసుళ్లు సాధించింది. ఇక నాగచైతన్య, సమంత కెరియర్‌‌లో ఏం మాయచేశావే చిత్రం తరువాత స్క్రీన్‌పై ఇద్దరి జంటకు మజిలీ సినిమాతో మంచి పేరు వచ్చింది. ఈ చిత్రంలో నార్త్ నుంచి క్రికెట్ నేర్చకోవడానికి హీరో దగ్గరకు ఓ పాప వస్తుంది. తన పేరు మీరా. తరువాత మీరా తన కూతురే అని తెలుస్తుంది. మజిలీలో కీ రోల్ పోషించిన ఈ పాప ఇప్పుడు ఎలా ఉందో తెలుసా.. అచ్చం హీరోయిన్‌లా మారిపోయింది.
చదవండి:kalki 2898 ad : కల్కి కథ చెప్పేసిన నాగ్‌ అశ్విన్‌
బాలీవుడ్ భామలు గుర్తొచ్చేలా తన ఆహార్యం మార్చుకుంది. తన పేరు అనన్య అగర్వాల్. 2004లో ముంబైలో పుట్టింది. ప్రస్తుతం తన వయస్సు 20. తన ఇన్‌స్టాగ్రామ్‌లో రీల్స్, ఫోటోలు చూసి కుర్రకారు తనకు ఫిదా అయిపోతున్నారు. క్యూట్ క్యూట్ ఎక్స్ ప్రేషన్స్ ఇచ్చే అనన్య అగర్వాల్ ఫస్ట్ చైల్డ్ ఆర్టిస్ట్‌గా ఇండస్ట్రీలో అడుగుపెట్టింది. తుజ్ సంగ్ ప్రీత్ లగై సజ్నాలో టీవీ ఇండస్ట్రీలోకి చైల్డ్ ఆర్టిస్ట్‌గా
పరిచయం అయింది. ఆ తరువాత కొన్ని సీరియల్స్‌లో నటించింది. వీటితో పాటు పలు యాడ్స్‌లో కూడా అలరించింది. ఇక మజిలీ సినిమాలో మీరా పాత్రకోసం వెతుకుతున్నప్పుడు డైరెక్టర్ గౌతమ్ తిన్ననూరికి ఓ యాడ్‌లో కనిపించింది. తరువాత తన గురించి సెర్చ్ చేసి, ఆడిషన్ తీసుకొని మీరా పాత్ర కోసం అనన్యను సెలెక్ట్ చేశారు.
ఇక సిల్వర్ స్క్రీన్‌పై మజిలీ చిత్రంతో అరంగేట్రం చేసింది. ఇక తన యాక్టింగ్‌తో ప్రేక్షకులతో భావేద్వేగాన్ని పండించింది. సినిమా విజయంలో కచ్చితంగా మీరా పాత్ర చెప్పుకోదగ్గది. ఆ తరువాత మళ్లీ బుల్లితెరపై తన నటనను కొనసాగిస్తుంది. అంతే కాకుండా ఖాళీ సమయాల్లో సోషల్ మీడియాలో దర్శనం ఇస్తుంది. రీల్స్, ఫోటోలతో పిచ్చెక్కించేస్తుంది. ఇప్పటికే పలు రకాల బ్రాండ్స్‌ ప్రమోటర్‌గా టీవీల్లో నటిస్తుంది. తన అందచందాలు చూస్తుంటే త్వరలోనే హీరోయిన్‌గా వెండితెరపై కనిపించునుంది అనిపిస్తుంది.
చదవండి:Susmitha Konidela: మెగా డాటర్ పరువు.. చిరాకు పడుతున్న నెటిజన్లు..!
