Hit TV Exclusive Interview With Actress Mirchi Madhavi
Mirchi Madhavi: మిర్చి మాధవి (Mirchi Madhavi), సీరియల్ నటి, సినిమాల్లో కూడా చేశారు. మోటివేషనల్ స్పీకర్.. ఇండస్ట్రీలోకి తాను ఎలా వచ్చానో వివరించారు. భోళా శంకర్ మూవీలో ఓ సీన్‌లో తన రోల్ ఉంటుందని చెబుతున్నారు. మిర్చి మాధవితో హిట్ టీవీ ప్రతినిధి రాజీవ్ ఎక్స్ క్లూజివ్ ఇంటర్వ్యూ చేశారు. 14 ఏళ్ల క్రితం ఇండస్ట్రీలోకి వచ్చానని చెబుతోంది. పుట్టింది గుంటూరు జిల్లాలో అని.. నాన్న బ్యాంక్ ఉద్యోగి కావడం వల్ల విజయవాడ, ఇతర చోట్లకు మారామని చెప్పారు. 14 ఏళ్ల వరకు ఏపీలో ఉండగా.. ఆ తర్వాత హైదరాబాద్ వచ్చామని తెలిపారు. 17 ఏళ్లకే తనకు పెళ్లి చేశారని.. పిల్లలు పుట్టిన తర్వాత.. 30 ఏళ్ల వయస్సు వచ్చాక కెరీర్ గురించి ఆలోచించామని చెబుతున్నారు.
చదవండి: Rakul : రిలేషన్ షిప్ పై రకుల్ ప్రీత్ సింగ్ షాకింగ్ కామెంట్స్
ఓ ఇనిస్టిట్యూట్‌లో వర్క్ చేసేవారమని మాధవి తెలిపారు. అక్కడ ఓ సాంగ్ కోసం డ్యాన్స్ ప్రాక్టీస్ చేస్తున్నామని.. ఎంత చేసినా 4 స్టెప్స్ కన్నా ఎక్కువ రావడం లేదని వివరించారు. తర్వాత జస్ట్ డయల్‌కి కాల్ చేసి.. ట్రైనింగ్ తీసుకున్నామని తెలిపారు. అక్కడే ఒకరు మూవీస్‌లో నటించొద్దా అని అడిగారని.. ఆ తర్వాత ఏడాదికి ఫోటో తీసుకొని, స్కూటీ మీద పయనం స్టార్ట్ అయ్యిందని గుర్తుచేశారు. సూపర్ స్టార్ కృష్ణ సోదరి ఆఫీసుకు వెళ్లానని.. తర్వాత ఆర్కా మీడియా వారిని కలిశానని చెప్పారు. త్రిశూలం కోసం తనను ఎంపిక చేశారని.. రోజుకు రూ.750 ఇస్తారని చెబితే సంతోషించానని వివరించారు. అలా జర్నీ స్టార్ట్ అయ్యిందని పేర్కొన్నారు.
మిర్చి, శతమానం భవతి, 100% లవ్, బస్టాఫ్, రేసుగుర్రం సినిమాల్లో చేసిన రోల్స్ మంచి పేరు తీసుకొచ్చాయని మిర్చి మాధవి అంటున్నారు. 100% లవ్ మూవీ షూటింగ్ 25 రోజులు జరిగిందన్నారు. అక్కడ చిన్న పిల్లలను ఆడించేదానని గుర్తుచేశారు. సుకుమార్, తమన్నా, నాగచైతన్యతో కలిసి చక్కగా పనిచేశామన్నారు. రంగస్థలం మూవీ ఆఫర్ వచ్చి మిస్ అయ్యిందని చెప్పారు. ఎఫ్ 2లో కూడా రాజేంద్ర ప్రసాద్ భార్య క్యారెక్టర్ మరొకరు చేసిన తర్వాత.. తనకు వచ్చిందని తెలిపారు. ప్రభాస్, వెంకటేష్ లాంటి వారు స్టార్స్ అని.. సెట్‌లో హాయ్ చెబుతారని.. డిసిప్లేన్‌గా ఉంటారని వివరించారు. నాని, జూనియర్ ఎన్టీఆర్, రామ్, మహేశ్ బాబుతో ఇప్పటివరకు నటించే అవకాశం రాలేదని చెప్పారు. తన ఫేవరేట్ హీరో కూడా నాని చెప్పారు. అతనితో మాట్లాడితే మన మనిషి అనిపిస్తారని తెలిపారు.
