AP: TTD ఛైర్మన్ BR నాయుడు ఇవాళ తిరుమలలో భక్తుల క్యూలైన్లను పరిశీలించారు. భక్తులతో మాట్లాడి వారి సలహాలు సూచనలు స్వీకరించారు. ‘తిరుమలలో సామాన్య భక్తుల క్యూలైన్లను, నారాయణగిరి షెడ్లను, దివ్యదర్శనం కాంప్లెక్స్ను పరిశీలించాను. రూ.300 ప్రత్యేక ప్రవేశ దర్శనం క్యూలైన్ను పరిశీలించి, భక్తుల సూచనలు తీసుకున్నాను. త్వరలోనే దర్శన విధానాలపై సమగ్రంగా చర్చిస్తాం. సదుపాయాలు మెరుగుపరిచేందుకు చర్యలు తీసుకుంటాం’ అని పేర్కొన్నారు.
