రాజస్థాన్‌(Rajasthan)లో ఘోర ప్రమాదం చోటుచేసుకుంది. వంతెనపై నుంచి వెళుతున్నబస్సు అదుపు తప్పి కింద ఉన్న రైల్వే ట్రాక్‌పై పడింది. దీంతో నలుగురు దుర్మరణం చెందగా, పలువురికి తీవ్ర గాయాలయ్యాయి. సమాచారం అందుకున్న స్థానిక అధికారులు సంఘటనాస్థలానికి చేరుకున్నారు. క్షతగాత్రులను ఆస్పత్రి(Hospital)కి తరలించారు. ప్రమాద సమయంలో బస్సులో దాదాపు 30 మంది ప్రయాణికులు ఉన్నట్లు అధికారులు వెల్లడించారు. వీరిలో తీవ్రంగా గాయపడిన 28 మందిని ఆస్పత్రికి తరలించగా, చికిత్స పొందుతూ నలుగురు మృతి చెందినట్లు వెల్లడించారు. జిల్లా కేంద్రంలోని కలెక్టరేట్ (Collectorate) సర్కిల్ సమీపంలో ఈ దారుణం జరిగింది. సమాచారం మిగిలిన క్షతగాత్రులకు చికిత్స కొనసాగుతున్నట్లు వివరించారు. ఘటనపై విచారణ (investigation)కు ఆదేశించినట్లు జిల్లా అదనపు కలెక్టర్‌ రాజ్‌కుమార్ కస్వా తెలిపారు
చదవండి : చనిపోయిన యజమాని నాలుగు నెలలుగా ఆస్పత్రి మార్చురీ ఎదుటే నిరీక్షిస్తున్న కుక్క
