drugs case telangana si Rajender arrested
తెలంగాణలో సంచలన ఘటన చోటుచేసుకుంది. డ్రగ్స్ కేసు(drugs case)లో ఎస్ఐ రాజేందర్ ను పోలీసులు అరెస్ట్ చేశారు. అయితే రాజేందర్ సైబర్ క్రైమ్ పోలీస్ విభాగంలో ఎస్ఐగా పనిచేస్తున్నారు. ఇటీవల ఎస్ఐ రాజేందర్ ఓ డ్రగ్స్ ఆపరేషన్లో పాల్గొన్నారు. ఆ క్రమంలో స్వాధీనం చేసుకున్న డ్రగ్స్‌ను కోర్టులో హాజరుపరచలేదు. దీంతో రంగంలోకి దిగిన పోలీసులు రాజేందర్ ఇంట్లో తనిఖీలు చేయగా..డ్రగ్స్ వెలుగులోకి వచ్చింది. దీంతో డ్రగ్స్ ను అధికారులు స్వాధీనం చేసుకుని అతనిపై కేసు నమోదు చేశారు. అయితే ఈ ఎస్సై పట్టుకున్న డ్రగ్స్ లో కొంత దాచిపెట్టి అమ్ముకోవాలని చూసినట్లు తెలుస్తోంది. ప్రస్తుతం రాయదుర్గం పోలీసులు రాజేందర్‌ను అరెస్టు చేసి రిమాండ్‌కు తరలించారు.
నార్కొటిక్ బృందంలో పనిచేస్తున్న ఈ ఎస్సై ఇటివల మహారాష్ట్ర(Maharashtra)లో జరిగిన ఓ డ్రగ్స్ ఆపరేషన్లో పాల్గొన్నారు. ఆ క్రమంలో ఓ నైజీరియన్ దగ్గర 80 లక్షల విలువైన 1,750 గ్రాముల మాదక ద్రవ్యాలను రాజేందర్(si rajnedar) పట్టుకున్నారు. ఆ తర్వాత దానిలో కొంత భాగం తన వద్ద ఉంచుకుని..మిగతాది కోర్టులో తక్కువగా సమర్పించారు. ఆ నేపథ్యంలోనే తెలంగాణ నార్కోటిక్ విభాగానికి ఈ సమాచారం తెలిసింది. దీంతో అనుమానం వచ్చిన పోలీసులు(police) అతని ఇంట్లో తనిఖీ చేశారు. దీంతో అసలు విషయం వెలుగులోకి వచ్చింది. ఈ ఘటనకు సంబంధించి మరింత సమాచారం తెలియాల్సి ఉంది.
ఇది కూడా చూడండి: Accident: రూ.పదికోట్ల విలువచేసే కారుకి యాక్సిడెంట్.. ప్రముఖ వ్యాపారవేత్త..!
