Drugs Case: తమిళనాడుకు చెందిన సినీ నిర్మాత ఏఆర్ జాఫర్ సాదిక్‌ని పోలీసులు అరెస్ట్ చేశారు. అంతర్జాతీయంగా రూ.2 వేల కోట్ల విలువైన డ్రగ్స్ అక్రమ రవాణా కేసులో జాఫర్‌ను అరెస్టు చేశారు. దేశంలో జరిగే భారీ డ్రగ్స్ రాకెట్ గురించి తెలిసిందే. అయితే ఢిల్లీ పోలీసులు, ఎన్‌సీబీ అధికారులు గత నెలలో సంయుక్త ఆపరేషన్ చేపట్టి అంతర్జాతీయ డ్రగ్ నెట్‌వర్క్‌ను చేధించారు. అధికారులు ఈ కేసులో ఇప్పటికే కొందరిని అదుపులోకి తీసుకున్నారు. ఈ దందాలో జాఫర్ సాదిక్ కీలక సూత్రధారిగా పోలీసులు గుర్తించారు. అతని కోసం గాలింపు కూడా చేపట్టారు. చివరికి అతనిని అదుపులోకి తీసుకున్నట్లు ఎన్‌సీబీ అధికారులు వెల్లడించారు.
ఇది కూడా చూడండి: Weight gain: ఆరోగ్యకరంగా బరువు పెరగాలంటే చేయాల్సింది ఇదే..!
ఈ డ్రగ్ నెట్‌వర్క్ భారతదేశం, న్యూజిలాండ్, ఆస్ట్రేలియా, మలేషియాలకు విస్తరించినట్లు పోలీసులు తెలిపారు. హెల్త్ మిక్స్ పౌడర్, ఎండు కొబ్బరి వంటి ఆహార పదార్థాల ముసుగులో కొన్ని సరకుల ద్వారా దీనిని అక్రమంగా రవాణా చేస్తున్నట్లు గుర్తించారు. గత 3 ఏళ్లలో మొత్తం 45 సరకులు పంపారని, అందులో సుమారు 3,500 కిలోల సూడోఎఫెడ్రిన్ ఉన్నట్లు అధికారులు వెల్లడించారు. దాని విలువ అంతర్జాతీయ మార్కెట్‌లో రూ.2000 కోట్లకు పైగా ఉంటుందని చెప్పారు. అంతేకాదు మొత్తం నెట్‌వర్క్‌ను చేధించడానికి ఆయా దేశాల్లో ఉన్న నిందితులను కూడా అరెస్టు చేయడానికి న్యూజిలాండ్, ఆస్ట్రేలియా అధికారులను సంప్రదించినట్లు పోలీసులు వెల్లడించారు.
ఇది కూడా చూడండి: Junk Foods: పిల్లలతో జంక్ ఫుడ్ మాన్పించడం ఎలా..?
