BDK: ఏళ్ల తరబడి సేవలు అందించి పదవీ విరమణ పొందిన అంగన్వాడీ టీచర్లకు రావాల్సిన రిటైర్మెంట్ బెనిఫిట్స్ను ప్రభుత్వం తక్షణమే అమలు చేయాలని కొత్తగూడెం ఎమ్మెల్యే కూనంనేని సాంబశివరావు ప్రభుత్వాన్ని డిమాండ్ చేశారు. నేడు హైదరాబాద్లోని సీపీఐ రాష్ట్ర కార్యాలయంలో రంగారెడ్డి జిల్లాకు చెందిన అంగన్వాడీ రిటైర్డ్ టీచర్లు తమ సమస్యలపై ఆయనకు వినతిపత్రం అందజేశారు.
SRCL: ఎల్లారెడ్డిపేట సర్కిల్ నూతన ఇన్స్పెక్టర్గా బాధ్యతలు స్వీకరించిన ఓ. వెంకటేశ్ ప్రభుత్వ విప్, వేములవాడ శాసనసభ్యులు ఆది శ్రీనివాస్ను మర్యాదపూర్వకంగా కలిశారు. వేములవాడలోని ఎమ్మెల్యే క్యాంప్ కార్యాలయంలో ఆయనను కలిసి, పూల మొక్కను అందజేసి శుభాకాంక్షలు తెలిపారు. ఈ సందర్భంగా శాసనసభ్యులు ఆది శ్రీనివాస్ నూతన సీఐకి శుభాకాంక్షలు తెలియజేశారు.
MNCL: ఈనెల 14న నుంచి నిర్వహించనున్న పదో తరగతి పరీక్షలను విద్యార్థులు ఎలాంటి భయాందోళన లేకుండా పరీక్షలు రాయాలని రాష్ట్ర మైనింగ్ శాఖ మంత్రి వివేక్ వెంకటస్వామి, జిల్లా కలెక్టర్ కుమార్ దీపక్ అన్నారు. చెన్నూర్ ఎస్ఆర్ఆర్ గార్డెన్లో మండలంలోని వివిధ పాఠశాలలకు చెందిన పదో తరగతి విద్యార్థులకు పెన్నులు, ప్యాడ్లు, పెన్సిల్స్ అందించారు.
HYD: గచ్చిబౌలిలోని జీఎంసీ బాలయోగి హాకీ గ్రౌండ్లో బుధవారం జరిగిన FIH హాకీ వరల్డ్ కప్ క్వాలిఫయర్స్ 2026 పూల్-B మ్యాచ్లో స్కాట్లాండ్ జట్టు ఉరుగ్వేపై 3-1 తేడాతో విజయం సాధించింది. స్కాట్లాండ్ తరఫున జెన్నిఫర్ ఈడీ (10′) ఒక గోల్ చేయగా, కేథరిన్ హోల్డ్ గేట్ (43′, 58′) రెండు గోల్స్ చేసింది. ఉరుగ్వే తరఫున తెరిసా వియాన (18′) ఒక్క గోల్ నమోదు చేసింది.
KNR: ఇల్లందకుంట మండల ప్రజలు రాత్రిపూట ఇళ్ల తలుపులు, కిటికీలు బాగా లాక్ చేసుకోవాలని ఇల్లందకుంట SI క్రాంతి కుమార్ సూచించారు. శంకరపట్నం మండలం మెట్టుపల్లి గ్రామంలో అంతరాష్ట్ర దొంగలు ఒకే రోజు 9 ఇళ్లలో చోరీలకు పాల్పడినట్లు తెలిపారు. ఎవరైనా అనుమానాస్పద వ్యక్తులు లేదా వాహనాలు కనిపిస్తే వెంటనే 100కు సమాచారం ఇవ్వాలని కోరారు.
NLG: ఈనెల 14 నుంచి ప్రారంభం కానున్న పదవ తరగతి పరీక్షల కోసం అధికారులు అన్ని ఏర్పాట్లు పూర్తి చేశారు. డీఈవో బిక్షపతి తెలిపిన వివరాల ప్రకారం.. జిల్లాలో మొత్తం 106 పరీక్షా కేంద్రాలను ఏర్పాటు చేశారు. 489 పాఠశాలలకు చెందిన 19,835 మంది విద్యార్థులు ఈ పరీక్షలకు హాజరుకానున్నారు. వీరిలో 10,147(బాలురు), 9,551(బాలికలు), 137(ప్రైవేటు) ఉన్నట్లు వివరించారు.
JN: జనగామ పట్టణ కేంద్రంలో యువ చైతన్య యూత్ ఆధ్వర్యంలో “అమ్మ పేరుతో ఒక మొక్క” (Ek Ped Maa Ke Naam) కార్యక్రమాన్ని బుధవారం నిర్వహించారు. యువ భారత్ వరంగల్ సహకారంతో నిర్వహించిన ఈ కార్యక్రమంలో యువత మొక్కలు నాటి పర్యావరణ పరిరక్షణకు ప్రతిజ్ఞ చేశారు. గ్రామ యువత, విద్యార్థులు పెద్ద సంఖ్యలో పాల్గొన్నారు.
NGKL: ప్రభుత్వ సైన్స్ డిగ్రీ కళాశాలలో బుధవారం ‘నో స్మోకింగ్ డే’ సందర్భంగా విద్యార్థులకు అవగాహన కార్యక్రమం నిర్వహించారు. విద్యార్థులు ప్లకార్డులు ప్రదర్శిస్తూ ధూమపానం వల్ల కలిగే అనర్థాలపై నినాదాలు చేశారు. ఈ సందర్భంగా ప్రిన్సిపల్ మదన్ మోహన్ మాట్లాడుతూ.. ధూమపానం వల్ల క్యాన్సర్ వంటి ప్రాణాంతక వ్యాధులు వస్తాయని, యువత వీటికి దూరంగా ఉండాలన్నారు.
WGL: ఖానాపురం మండలంలోని పెద్ధమ్మగడ్డ స్మశానవాటిక రోడ్డు ప్రక్కనే ఉండడం ప్రయాణికులకు ఇబ్బందిగా ఉందని మనుబోతులగడ్డ గ్రామస్థులు తహాసీల్థార్ రమేష్కు బుధవారం ఫిర్యాదు చేశారు. రోడ్డు పక్కన స్మశాన వాటిక ఉండడం వల్ల నిత్యం రాత్రి పగలనక వెళ్ళే మనుబోతులగడ్డ, బండమీదిమామిడి తండా, ఆయకట్టు రైతులకు భయానక వాతావరణంతో ఇబ్బందులు పడుతున్నారని ఆరోపించారు.
KMM: హైదరాబాద్ నెక్లెస్ రోడ్డులోని నీరా కేఫ్ భవనాన్ని లీజుకు ఇవ్వనున్నట్లు జిల్లా వెనుకబడిన తరగతుల అభివృద్ధి అధికారి జి. జ్యోతి తెలిపారు. కల్లు గీత కార్మిక సహకార సంఘాలు, ఎక్సైజ్ శాఖలో నమోదై, నీరా సేకరణ, విక్రయ అనుమతి కలిగిన వారు అర్హులని పేర్కొన్నారు. ఆసక్తి గలవారు ఈ నెల 18లోగా దరఖాస్తులు సమర్పించాలని సూచించారు.
NZB: బీసీ రాజ్యాధికార సమితి సమావేశం బుధవారం నిజామాబాదు నగరంలో జరిగింది. ఈ సందర్భంగా నిజామాబాద్ నగర మేయర్ ఉమారాణి రమేష్ దంపతులను సమితి ప్రతినిధులు సన్మానించారు. బీసీలు ఐక్యంగా ముందుకు సాగాలని మేయర్ ఉమారాణి సూచించారు. సమితి ప్రతినిధులు బాస రాజేశ్వర్, జీ.రాజేశ్వరి, డాక్టర్ రాంచందర్ తదితరులు పాల్గొన్నారు.
MLG: ములుగుకు చెందిన మున్సిపల్ కౌన్సిలర్లు జిల్లా ఎస్పీ సుధీర్ రామ్ నాథ్ కేకన్ను బుధవారం మర్యాదపూర్వకంగా కలిశారు. ఆసియాలోనే అతిపెద్ద గిరిజన జాతరగా పేరుగాంచిన మేడారం సమ్మక్క సారలమ్మ మహా జాతరలో మాస్టర్ ప్లాన్ తో పనుల అమలు, జాతరలో ఎలాంటి అవాంఛనీయ సంఘటనలు జరుగకుండా శాంతియుతంగా విజయవంతం చేసినందుకు గాను వారిని సన్మానించారు. ప్రత్యేక కృతజ్ఞతలు తెలిపారు.
SRD: కంగ్టి మండలం గాజులపాడు గ్రామంలో లైన్స్ క్లబ్ ఆధ్వర్యంలో ఉచిత కంటి వైద్య శిబిరం నిర్వహించారు. ఇందులో 90 మందికి కంటి వైద్య నిపుణులు ముదసిర్ పరీక్షలు నిర్వహించారు. ఇందులో 15 మందికి కంటి చూపు లోపించడంతో ఉచిత ఆపరేషన్కు రిఫర్ చేశారు. 50 మందికి మందులు పంపిణీ, 28 మందికి కళ్ళజోడు పంపిణీ చేసినట్లు సర్పంచ్ బిరాదార్ భీమ్ రావు తెలిపారు.
BDK: బూర్గంపాడు మండలం లక్ష్మీపురం గ్రామానికి చెందిన రైతు దారం వెంకటేశ్వర రెడ్డి ఏర్పాటు చేసిన ఆర్గానిక్ బొప్పాయి తోటను ఎమ్మెల్యే పాయం వెంకటేశ్వర్లు బుధవారం సందర్శించి పరిశీలించారు. ఈ సందర్భంగా వారు మాట్లాడుతూ.. రసాయనాలు ఉపయోగించకుండా ఆర్గానిక్ విధానంలో పంటలు సాగు చేయడం ద్వారా ఆరోగ్యకరమైన ఆహారం అందించడంతో పాటు రైతులకు మంచి ఆదాయం లభిస్తుందని తెలిపారు.
HYD: అమీర్పేటలోని శ్రీ కనకదుర్గాదేవీ ఆలయంలో బుధవారం కుంబాభిషేకం నిర్వహించారు. అత్యంత వైభవంగా నిర్వహించిన ఈ కార్యక్రమంలో భక్తులు పెద్ద సంఖ్యలో పాల్గొన్నారు. మాజీమంత్రి, ఎమ్మెల్యే తలసాని శ్రీనివాస్ యాదవ్ సైతం ఈ పూజలలో పాల్గొని అమ్మవారి సేవలో తరించారు. అనంతరం శ్రీ విద్యా శంకర భారతి మహాస్వామి ఆశీర్వాదం తీసుకున్నారు.
