Gold and Silver Rates Today : బంగారం, వెండిపై పెట్టుబడి పెట్టాలనే ఆలోచనలో ఉన్న వారు ఎప్పుడు ధర తగ్గితే అప్పుడు కొనుక్కునేందుకు ప్రయత్నిస్తూ ఉంటారు. ఇలాంటి వారు తప్పకుండా వీటి రోజు వారీ ధరలు పరిశీలించుకుంటూ ఉండాల్సిందే. మరి ఇవాళ వెండి,బంగారం ధరలు ఎలా ఉన్నాయో ఇప్పుడు తెలుసుకుందాం. వరుసగా పెరుగుతూ వచ్చిన బంగారం ధర శనివారం బాగానే తగ్గుముఖం పట్టింది. ఈ ఒక్క రోజే రూ.846 తగ్గింది. దీంతో దేశీయ మార్కెట్లో శనివారం 24 క్యారెట్ల పది గ్రాముల పసిడి ధర రూ.74,124కు చేరుకుంది.
చదవండి : ఆ భూకంపం గంగా ప్రవాహ దిశను మార్చేసిందా?
తెలుగు రాష్ట్రాల్లోని ప్రధాన నగరాలైన విశాఖపట్నం, విజయవాడ, హైదరాబాదుల్లోనూ పది గ్రాముల పసిడి ధర(Gold Rate) రూ.74,124గానే కొనసాగుతోంది. ఈ ధర మార్కెట్‌ ప్రారంభ సమయానికి నమోదైనది మాత్రమే. ఆ తర్వాత మారే అవకాశాలు ఉంటాయని వినియోగదారులు గుర్తుంచుకోవాలి. అలాగే నగల్ని కొనుక్కునేప్పుడు ఈ ధరకు తోడుగా మజూరీ, జీఎస్టీల్లాంటివీ చెల్లించాల్సి ఉంటుందని వినియోగదారులు గుర్తుంచుకోవాలి.
చదవండి : మర్డర్‌ కేసులో ఏ1గా పవిత్ర గౌడ, ఏ2గా హీరో దర్శన్‌
దేశీయ మార్కెట్లలో కిలో వెండి ధర(Silver Rate) శనివారం భారీగా తగ్గిందనే చెప్పాలి. ఈ ఒక్క రోజే దాదాపుగా రూ.1961 తగ్గింది. దీంతో కేజీ వెండి ధర నేడు రూ.91,439కు చేరుకుంది. విశాఖపట్నం, విజయవాడ, హైదరాబాదుల్లోనూ దాదాపుగా ఇవే ధరలు కొనసాగుతున్నాయి.
ఇక అంతర్జాతీయ మార్కెట్లో స్పాట్‌ గోల్డ్‌, సిల్వర్‌ ధరలు సైతం నేడు కాస్త తగ్గుముఖం పట్టాయి. నేడు ఔన్సు స్పాట్‌ గోల్డ్‌ ధర 2328 డాలర్లుగా ఉండగా, ఔన్సు వెండి ధర 29.69 డాలర్లుగా ఉంది.
