Gold and Silver Rates Today : బంగారం కొనుక్కోవాలనే ఆలోచనల్లో ఉన్నారా? అయితే రోజూ దీని ధరను గమనిస్తూ ఉండాల్సిందే. అప్పుడే తగ్గినప్పుడు దీన్ని కొనుక్కునేందుకు ఆస్కారం ఉంటుంది. మరి ఈ రోజు బంగారం ధరలు ఎలా ఉన్నాయో ఇప్పుడు తెలుసుకుందాం. వరుసగా మూడు రోజులుగా బంగారం ధరలు క్రమంగా పెరుగుతూనే ఉన్నాయి. శుక్రవారం సైతం స్వల్పంగా పెరిగింది. రూ.230 పెరగడంతో దేశీయ మార్కెట్లో 24 క్యారెట్ల పది గ్రాముల పసిడి ధర రూ. 75,300కి చేరుకుంది.
చదవండి : నేడే అనంత్ అంబానీ, రాధిక మర్చంట్ ల వివాహం.. ముహూర్తం ఎప్పుడో తెలుసా ?
పసిడి ధర(Gold Rate) తెలుగు రాష్ట్రాల్లోని ప్రధాన నగరాల్లోనూ దాదాపుగా ఇలాగే కొనసాగుతోంది. 24 క్యారెట్ల పది గ్రాముల పసిడి ధర రూ. 75,300గానే ఉంది. విశాఖపట్నం, హైదరాబాద్‌, విజయవాడల్లోనూ రేట్లు ఇలానే ఉన్నాయి. అయితే ఈ ధర మార్కెట్‌ మొదలయ్యే సమయంలో నమోదైనది. తర్వాత మళ్లీ మారొచ్చు. అలాగే నగల్ని కొనుక్కునే వారు ఈ ధరకు తోడుగా మజూరీ, జీఎస్టీ, రాళ్లు లాంటి వాటికి సైతం అదనంగా చెల్లించాల్సి ఉంటుంది.
చదవండి : స్విమ్మింగ్‌ పూల్‌లో కరెంట్‌ షాక్‌.. హైదరాబాద్‌లో 16 మందికి గాయాలు
ఇక వెండి ధరలు రెండు వారాలుగా కిందికి దిగడం లేదు. రోజు రోజుకూ పైకి ఎగబాకుతూనే ఉన్నాయి. శుక్రవారం సైతం వెండి ధర(Silver Rate) రూ.755 పెరిగింది. దీంతో కేజీ వెండి రూ.95,285కు చేరుకుంది. విశాఖపట్నం, హైదరాబాద్‌, విజయవాడ తదితర చోట్ల సైతం సిల్వర్‌ ధరలు ఇలాగే ఉన్నాయి.
ఇక అంతర్జాతీయ మార్కెట్లో సైతం స్పాట్‌ గోల్డ్‌ ధరలు భారీగా పెరిగాయి. శుక్రవారం 30 డాలర్లు పెరిగి ఔన్సు స్పాట్‌ గోల్డ్‌ ధర 2409 డాలర్లకు చేరుకుంది. ఔన్సు వెండి 31.22 డాలర్లుగా ఉంది.
