ప్రపంచ మహిళల దినోత్సవం సందర్భంగా ‘రైటర్ పద్మభూషణ్’ మహిళలకు బంపరాఫర్ ప్రకటించింది. ఫిబ్రవరి 8వ తేదీన బుధవారం తెలుగు రాష్ట్రాల్లో మహిళలకు ఉచిత ప్రదర్శన నిర్వహిస్తున్నట్లు చిత్రబృందం తెలిపింది. సెలక్టెడ్ థియేటర్స్ లలో ఈ సినిమాను మహిళలు ఉచితంగా వీక్షించే అవకాశం కల్పించింది. యువ దర్శకుడు షణ్ముఖ ప్రశాంత్ దర్శకత్వంలో సుహాస్, టీనా శిల్పారాజ్ హీరోహీరోయిన్లుగా నటించిన సినిమా ‘రైటర్ పద్మభూషణ్’. ఈ సినిమా ఫిబ్రవరి 3వ తేదీన విడుదలై మంచి టాక్ సొంతం చేసుకుంది. సూపర్ స్టార్ మహేశ్ బాబు కూడా ఈ సినిమా చూసి చిత్రబృందాన్ని అభినందించారు. స్వయంగా చిత్రబృందాన్ని కలిసి మెచ్చుకున్నారు. ట్విటర్ ద్వారా సినిమా యూనిట్ కు అభినందనలు తెలిపారు.
చదవండి: సీఎం జగన్ కు ‘అప్పురత్న’ అవార్డు ఇవ్వాలి: పవన్ కల్యాణ్
మహిళా దినోత్సవం సందర్భంగా మహిళా ప్రేక్షకులకు రెండు తెలుగు రాష్ట్రాల్లో 38 స్పెషల్ షోస్ ను ప్రదర్శించనున్నారు. చాయ్ బిస్కెట్ ఫిల్మ్స్, లహరి ఫిలింస్ బ్యానర్ పై శరత్ చంద్ర, అనురాగ్ రెడ్డి, చంద్రు మనోహర్ ఈ సినిమాను నిర్మించారు. ఇప్పటికే ఈ సినిమా రూ.3.6 కోట్లు వసూలు చేసిందని సమాచారం. కలర్ ఫొటో తర్వాత సుహాస్ తన ఖాతాలో మరో విజయాన్ని వేసుకున్నాడు. విజయవాడలోని ఓ లైబ్రరీలో అసిస్టెంట్ లైబ్రైరియన్ పద్మభూషణ్ పాత్రలో సుహాస్ మెరిశాడు. రైటర్ అనిపించుకునేందుకు పడే అవస్థల ఇతివృత్తంలో ఈ సినిమా తెరకెక్కింది.
చదవండి: అమెరికాలో తుపాకీ మిస్ ఫైర్.. తెలంగాణ విద్యార్థి మృతి
WOMEN's WEDNESDAY with #WriterPadmabhushan ❤️
For the FIRST TIME ever in TFI, the movie is FREE for all women across AP & TG ✨@ActorSuhas @TinaShilparaj @gouripriyareddy @prasanthshanmuk @LahariFilm @ChaiBisketFilms @SharathWhat @anuragmayreddy pic.twitter.com/eK56T0tjXW
— Geetha Arts (@GeethaArts) February 7, 2023
