సోషల్ మీడియా(social media) వచ్చినప్పటి నుంచి సమాచారం(information) బదిలీ చేయబడినంత వేగంగా ఫేక్ న్యూస్(fake news) కూడా అంతే స్పీడుగా ట్రాన్స్ ఫర్ అవుతోంది. ముఖ్యంగా ప్రభుత్వ పథకాల పేరుతో నెటిజన్లను మోసం చేస్తున్న ఘటనలు రోజురోజుకు వెలుగులోకి వస్తున్నాయి. ఈ నేపథ్యంలో ఇటీవల ఓ మోసపూరిత వార్త ఒకటి నెట్టింట వైరల్ అవుతోంది. నిరుద్యోగ యువతకు కేంద్ర ప్రభుత్వం(Central government) రూ.6000 స్టైపెండ్(unemployment allowance) ఇస్తుందని ప్రచారం జరుగుతుంది. ఈ వార్త వాట్సాప్‌లో వైరల్(viral)గా మారింది.
చదవండి: Delhi:లో ఓలా, ఉబర్ బైక్ ట్యాక్సీలపై నిషేధం..ఇప్పటికే మహారాష్ట్రలో
అర్హత గల అభ్యర్థులు ఈ స్కాలర్‌షిప్ ప్రధాన మంత్రి బెరోజ్‌గర్ భట్ యోజన పథకం క్రింద ఇవ్వబడిన లింక్ ద్వారా నమోదు చేసుకోవాలని కోరుతున్నారు. దీని కోసం ఒక లింక్ కూడా షేర్ చేయబడుతోంది. సోషల్ మీడియాలో వైరల్ అవుతున్న ఈ వార్తల్లో నిజం లేదని అధికారులు వెల్లడించారు. ఈ విషయాన్ని ప్రెస్ ఇన్ఫర్మేషన్ బ్యూరో(PIB) ఈ వ్యవహారంపై ఫ్యాక్ట్ చెక్(fact check) చేసి ట్విట్టర్ (twitter) ద్వారా అధికారికంగా ఇటీవల వెల్లడించింది. భారత ప్రభుత్వం అటువంటి పథకాన్ని అమలు చేయనందున ఈ సందేశాన్ని ఫార్వార్డ్ చేయవద్దని సూచించింది. అసలు ఈ ప్రచారంలో వాస్తవం లేదని, కేంద్ర ప్రభుత్వం ఇలాంటి పథకాన్ని ఇప్పటివరకు తీసుకురాలేదని చెప్పింది.
చదవండి: Vande Bharat Trains: తమ ప్రాంతానికి కావాలని 60 మంది ఎంపీల లేఖ
ఇదిలా ఉండగా PIB నకిలీ పథకాల గురించి వాస్తవ తనిఖీ ద్వారా తెలియజేయడం ఇదేం మొదటిసారి కాదు. అంతకుముందు కూడా ప్రధాన్ మంత్రి నారీ శక్తి యోజన’ కింద కేంద్ర ప్రభుత్వం మహిళలందరికీ 2 లక్షల 20 వేల రూపాయలు ఇస్తుందని ఫేక్ వార్తలు వైరల్ అయ్యాయి. దీంతో ఆ వైరల్ వార్తలను కూడా PIB ఖండించింది. ఈ వార్తల్లో నిజం లేదని ట్విట్టర్ ద్వారా ప్రకటించింది. ఈ క్రమంలో సోషల్ మీడియా(social media)లో వైరల్ అయ్యే ప్రతి వార్తను గుడ్డిగా నమ్మవద్దని, నిజానిజాలు తెలుసుకోకుండా ఇతరులకు ఫార్వర్డ్ చేయవద్దని అధికారులు ప్రజలకు సూచించారు.
చదవండి: Elephant attacks: ఏనుగుల దాడిలో 3 రోజుల్లో 10 మంది మృతి
