తెలంగాణలో ఫ్లెక్సీల (Flexis) రాజకీయం నడుస్తోంది. బీజేపీ (BJP), నరేంద్ర మోదీ (Narendra Modi) ప్రభుత్వంపై తరచూ తెలంగాణలో (Telangana) ఫ్లెక్సీలు ఏర్పాటవుతున్నాయి. కేంద్రం చేసిన మోసాలు, మోదీ సాగిస్తున్న కుట్ర, వివక్షపై ఫ్లెక్సీలు ఏర్పాటవుతున్న విషయం తెలిసిందే. బీజేపీ విషయంలో ప్రజలకు వాస్తవాలు చెప్పాలనే ఉద్దేశంతో ఆ ఫ్లెక్సీలు ఏర్పాటయ్యాయి. అయితే వాటికి ప్రతిగా బీఆర్ఎస్ పార్టీని (BRS Party) నిలదీస్తూ ఫ్లెక్సీలు ఏర్పటవుతున్నాయి. ముఖ్యంగా సిరిసిల్ల జిల్లాలో (Rajanna Sircilla District) ఫ్లెక్సీల రాజకీయం నడుస్తోంది. తాజాగా మానకొండూరు (Manakondur) ఎమ్మెల్యే రసమయి బాలకిషన్ (Rasamayi Balakishan)కు వ్యతిరేకంగా ఫ్లెక్సీలు వెలిశాయి.
చదవండి: KCRకు షాక్.. మహారాష్ట్రలో సభకు పోలీసుల అనుమతి నిరాకరణ
నియోజకవర్గానికి ఇచ్చిన హామీలు, ఎమ్మెల్యే పట్టించుకోకపోవడం, హామీలు విస్మరించడం వంటి వాటిపై నిలదీస్తూ ఆ ఫ్లెక్సీలు ఏర్పాటయ్యాయి. బుధవారం తెల్లవారుజామున మానకొండూరు నియోజకవర్గంలోని పలు చోట్ల ఆ ఫ్లెక్సీలు ఏర్పాటు కావడం కలకలం రేపింది. ఎమ్మెల్యేను నిలదీస్తూ ఫ్లెక్సీలు ఏర్పాటుకావడంపై బీఆర్ఎస్ నాయకులు ఆగ్రహం వ్యక్తం చేస్తున్నారు. ఎమ్మెల్యే అంటే గిట్టని వాళ్లు, బీజేపీ నాయకులు ఈ ఫ్లెక్సీలు ఏర్పాటు చేసినట్లు తెలుస్తోంది. గతంలోనూ ఇలాంటి ఫ్లెక్సీలు ఏర్పాటు చేశారు. మంత్రి కేటీఆర్ (KT Rama Rao) సొంత నియోజకవర్గం సిరిసిల్లలోనూ ఇలాంటి ఫ్లెక్సీలు కలకలం రేపాయి.
చదవండి: లేదు లేదు.. నేను BJPలోకి పోవట్లే.. పట్నం మహేందర్ రెడ్డి
ఫ్లెక్సీల్లో ఉన్న ప్రశ్నలు
– ఇల్లంతకుంట మండలంలో ఎంత మంది దళితులకు దళితబంధు ఇచ్చావు?
– ఎంతమంది దళితులకు మూడెకరాల భూమి ఇచ్చావు? – ఎంతమందికి డబుల్ బెడ్రూ ఇళ్లు ఇచ్చావు?
– ఇల్లంతకుంట మండలంలోని డిగ్రీ కళాశాల ఏర్పాటు చేస్తానని చెప్పావు. 8 సంవత్సరాలు గడిచాయి గుర్తుందా?
– ఇల్లంతకుంట యువతకు క్రీడా ప్రాంగణం ఇస్తానన్నావు గుర్తుందా?
– సర్పంచ్ లు నిధులు లేక ఆత్మహత్యలు చేసుకుంటున్నారో చూడు?
– ప్రతి మండలంలో అరుంధతి ఫంక్షన్ హాల్ కడతానని చెప్పావు? ఎక్కడ కట్టావో చూపివ్వు?
చదవండి: రికార్డు.. ఎండలకు తాళలేక కోటి బీర్లు తాగేశారు
