ఏపీ(AP)లో వందేభారత్ ఎక్స్‌ప్రెస్‌(Vande Bharath Express)పై రాళ్ల దాడి జరిగింది. దేశవ్యాప్తంగా అత్యంత వేగంగా ప్రయాణించడానికి కేంద్ర ప్రభుత్వం ప్రతిష్టాత్మకంగా ఈ వందేభారత్ రైళ్లను ప్రారంభిస్తూ వస్తోంది. అయితే పలు ప్రాంతాల్లో ఈ రైళ్లపై దాడులు జరుగుతున్నాయి. తాజాగా సికింద్రాబాద్ నుంచి తిరుపతి(Tirupathi)కి వెళ్తున్న వందేభారత్ రైలుపై ఏపీలో రాళ్ల దాడి జరిగినట్లు అధికారులు తెలిపారు.
చదవండి: Vizag kidney racket:తిరుమల ఆస్పత్రి సీజ్, లైసెన్స్ లేకున్నా సర్జరీలు
సికింద్రాబాద్ నుంచి తిరుపతికి గురువారం వెళ్లిన వందేభారత్ ట్రైన్ (Vande Bharath Train)పై రాళ్ల దాడి జరిగింది. గూడురు సమీపంలో ఈ దాడి జరిగినట్లు అధికారులు గుర్తించారు. కొందరు గుర్తుతెలియని వ్యక్తులు వేగంగా వెళ్తున్న వందే భారత్ రైలుపై రాళ్లు విసినట్లు తెలిసింది. ఈ ఘటనలో రైలు బోగీ అద్దం పగిలింది. దీంతో రేణిగుంట రైల్వేస్టేషన్ లో రైలు కాసేపు ఆగింది. రైల్వే పోలీస్ స్టేషన్ ఈ ఘటనపై ప్రయాణికులు ఫిర్యాదు చేశారు.
చదవండి: Rajinikanth: విజయవాడ చేరుకున్న రజినీకాంత్.. బాలకృష్ణ స్వాగతం..!
కేసు నమోాదు చేసుకున్న రైల్వే పోలీసులు(Railway Police) దర్యాప్తు ముమ్మరం చేశారు. గతంలో సికింద్రాబాద్ నుంచి విశాఖకు వెళ్లే వందే భారత్ రైలు(Vande Bharath Train) కూడా పలుమార్లు రాళ్ల దాడికి గురైంది. పోలీసులు ఈ కేసులను సీరియస్ గా తీసుకుని నిందితులకు శిక్ష వేశారు. ఇటువంటి ఘటనలు పునరావృతం కాకుండా రైలు అధికారులు ప్రత్యేక చర్యలు చేపడుతున్నారు.
