అంబానీ పై రాందేవ్ బాబా షాకింగ్ కామెంట్స్ చేశారు. రూ.వేల కోట్లకు అధిపతులైన వ్యాపారవేత్తల కంటే నాసమయం ఎంతో విలువైనదని అన్నారు..బాబా రామ్ దేవ్. వ్యాపారవేత్తల సమయాన్ని డబ్బుతో లెక్కిస్తారని వారికి డబ్బు తప్ప మరోధ్యాస ఉండదనే పరోక్షంగా ఈ వాఖ్యలు చేశారు.
అంబానీ, అదానీ, టాటా, బిర్లాల సమయం కన్నా తన సమయమే విలువైందని చెప్పారు. ఓ వ్యాపారవేత్త తన టైంలో 99 శాతం కాలాన్ని తన కోసమే వెచ్చిస్తాడని చెప్పారు. ఓ సాధువు మాత్రం పూర్తి సమయాన్ని సమాజ శ్రేయస్సు కోసమే ఉపయోగిస్తాడని బాబా రాందేవ్ పేర్కొన్నారు.
మూడు రోజుల పర్యటన కోసం గోవాకు వచ్చినట్లు బాబా తెలిపారు. సమయం ఎంతో విలువైందని, మిగతా వారితో పోలిస్తే ఓ సాధువు, సన్యాసి కాలానికే విలువ ఎక్కువని చెప్పారు. సాధువుల వల్ల సమాజానికి ఎంతో మేలన్నారు. అనంతరం కేంద్ర మంత్రి శ్రీపాద నాయక్, గోవా ముఖ్యమంత్రి ప్రమోద్ సావంత్ సమక్షంలో పతంజలి కంపెనీ సీఈవో, తన సహచరుడు ఆచార్య బాలకృష్ణను సన్మానించారు.
