HYD: జూబ్లీహిల్స్‌లోని భరణి లేఅవుట్లో మాజీ బీఆర్ఎస్ ఎమ్మెల్యే జైపాల్ యాదవ్ ఇంట్లో చోరీ జరిగింది. రూ. 7.5 లక్షల నగదును దుండగులు ఎత్తుకెళ్లారు. దీంతో ఫిల్మ్ నగర్ పోలీసులకు… జైపాల్ యాదవ్ ఫిర్యాదు చేశారు. ఈ మేరకు కేసు నమోదు చేసుకున్న పోలీసులు విచారణ చేపట్టారు. కాగా, ఈ చోరికి సంబంధించి పూర్తి వివరాలు తెలియాల్సి ఉంది.
అన్నమయ్య: అనారోగ్యం తాళలేక ఓ యువకుడు ఆత్మహత్యాయత్నానికి పాల్పడ్డాడు. తంబళ్లపల్లె మండలం కోటకొండ వడ్డిపల్లికి చెందిన హరిబాబు తీవ్రమైన కడుపునొప్పితో బాధపడుతున్నాడు. ఆస్పత్రులలో చూపించి మందులు వాడితే తాత్కాలిక ఉపశమనం తప్ప జబ్బు నయం కాలేదు. దీంతో ఆదివారం కడుపు నొప్పి తీవ్రం కావడంతో భరించలేక ఇంట్లో ఉన్న పురుగుమందు తాగి ఆత్మహత్యాయత్నానికి పాల్పడ్డాడు.
VZM: సాలూరు బైపాస్ రోడ్డులో మృతదేహాన్ని గుర్తించామని పట్టణ సీఐ అప్పలనాయుడు తెలిపారు. ఆదివారం ఆయన మాట్లాడుతూ.. సుమారు 45 సంవత్సరాల ఉన్న గుర్తు తెలియని వ్యక్తి మృతదేహంగా తెలిపారు. మృతి చెందిన వ్యక్తికి కుడి చేతి అరచేయి లేని వికలాంగుడు అని పేర్కొన్నారు. అతని వద్ద ఒక గోనె సంచి ఉందని, అందులో ఖాళీ ప్లాస్టిక్ సీసాలు ఉన్నాయని తెలిపారు.
NLR: మనుబోలు మండల కేంద్రంలోని చంద్రమౌళి నగర్ గిరిజన కాలనీలో సోమవారం ఉదయం పూరిల్లు దగ్ధమైంది. ఆ ఇంట్లో నివాసం ఉంటున్న అంబి సుబ్బయ్య అనే వ్యక్తి ఆ మంటల్లో కాలిపోయి మృతి చెందాడు. విద్యుత్ షార్ట్ సర్క్యూట్ వల్ల ఇల్లు కాలిపోయిందా లేక మరే ఇతర కారణాల వల్ల కాలిపోయిందా తెలియాల్సి ఉంది. పూరిల్లు తగలబడిపోతుండడంతో స్థానికులు గుర్తించి మంటలను ఆర్పి వేశారు.
AP: కాకినాడ జిల్లా వేట్లపాలెంలో ముగ్గురు దారుణ హత్యకు గురయ్యారు. ఇంటి నిర్మాణ విషయంలో రెండు వర్గాల మధ్య ఘర్షణ తలెత్తింది. ఒకే కుటుంబానికి చెందిన ఆరుగురిపై పాశవికంగా దాడి చేశారు. కత్తులు, కర్రలతో ప్రత్యర్థులు విరుచుకుపడ్డారు. దీంతో ముగ్గురు మృతి చెందగా.. మరో ముగ్గురికి తీవ్ర గాయాలయ్యాయి. పోలీసులు కేసు నమోదు చేసుకొని దర్యాప్తు చేస్తున్నారు.
NLR: కొవూరు మండలం పడుగుపాడు ఇనమడుగు రైల్వే గేటు వద్ద ఆదివారం అస్సాంకు చెందిన ఓ వ్యక్తి మృతి చెందాడు. సిల్చారు నుంచి తిరుచూరు వెళ్లే అరుణయ్ ఎక్స్‌ప్రెస్ రైలు నుంచి ఆయన పొరపాటున కింద పడ్డాడు. ఘటనలో అతడు అక్కడికక్కడే మృతి చెందాడు. బాధితుడి శరీరం రెండు భాగాలుగా వేరుపడింది. మృతుడిని అస్సాం రాష్ట్రం గోవిందపూర్ ప్రాంతానికి చెందిన షాలే అహ్మద్ (32)గా గుర్తించారు.
ATP: బెలుగుప్ప మండలం దుద్దేకుంట గ్రామ సమీపంలో ఆదివారం రోడ్డు ప్రమాదం చోటు చేసుకుంది. ఐచర్ వాహనం పైనుంచి ప్రమాదవశాత్తు జారి కిందపడి రమేశ్ బాబు అనే వ్యక్తి అక్కడికక్కడే మృతిచెందాడు. మడకశిర మండలం ఈ.రామగిరికి చెందిన రమేశ్ బాబు ఐచర్ వాహనంలో పత్తికొండకు వెళ్లాడు. అక్కడ పని ముగించుకొని తిరిగి సొంతూరుకు బయలుదేరాడు. ఈ క్రమంలో జారి కింద పడి మృతి చెందాడు.
KMM: బైకు, ఆటో ఢీకొని ఓ వ్యక్తి మృతిచెందిన ఘటన వెంకటాపురం మండలంలో ఆదివారం సాయంత్రం చోటుచేసుకుంది. స్థానికులు తెలిపిన వివరాల ప్రకారం.. వెంకటాపురం మండల శివారులో బైకును ఆటో ఢీకొనడంతో ఒకరు మృతిచెందారు. మరొక ముగ్గురికి తీవ్ర గాయాలు అయినట్లు చెప్పారు. వెంటనే గాయపడిన వారిని 108 సహాయంతో ఆసుపత్రికి తరలించారు. కాగా, ఈ ఘటనపై మరిన్ని వివరాలు తెలియాల్సి ఉంది.
W.G: విద్యుత్ షార్ట్ సర్క్యూట్ కారణంగా గోపాలపురం మండలం పెద్దగూడెంలో ఆదివారం అగ్నిప్రమాదం జరిగింది. పాస్టర్ ఏలేటి భూషణంకు చెందిన ఇంట్లో ఈ ప్రమాదం చోటు చేసుకుంది. ప్రమాద సమయంలో పక్కనే ఉన్న ప్రార్ధన మందిరంలోకి వెళ్లడంతో ప్రాణాపాయం తప్పింది. ఈ ప్రమాదంలో సుమారు రూ.4 లక్షల విలువైన ఏసీ, ఫ్రిడ్జ్ వంటి సామాగ్రి పూర్తిగా కాలి బూడిదైంది.
ELR: ద్వారకాతిరుమల మండలం నారాయణపురంలో కోడిపందాలపై ఆదివారం ద్వారకాతిరుమల ఎస్ఐ సుధీర్ సిబ్బందితో దాడి చేశారు. పోలీసుల దాడిలో 9 మందిని అరెస్ట్ చేశారు. గ్రామంలో కోడిపందాలు నిర్వహిస్తున్నట్లు వచ్చిన సమాచారంతో ఈ దాడి చేశారు. 9 మందిని అరెస్ట్ చేసి వారి నుంచి రూ. 52,080 నగదు, 5బైకులు, 2 కోడి పుంజులు స్వాధీనం చేసుకున్నట్లు ద్వారకాతిరుమల ఎస్ఐ సుధీర్ తెలిపారు.
AP: మద్యం మత్తులో బ్లేడుతో దాడి చేసిన ఘటన కృష్ణా జిల్లా పెడన పట్టణంలో జరిగింది.పేరిశెట్టి చరణ్ అనే యువకుడు నిన్న మద్యం మత్తులో అదే గ్రామానికి చెందిన బెనర్జీ, శివలపై బ్లేడుతో దాడి చేశాడు. ఈ ఘటనలో వీరిద్దరూ గాయపడ్డారు. దీనిపై స్థానికులు పోలీసులకు సమాచారం ఇవ్వడంతో ఘటనాస్థలానికి చేరుకున్నారు. గాయపడ్డవారిని అంబులెన్స్‌లో ఆసుపత్రికి తరలించారు. అలాగే కేసు నమోదు చేసి దర్యాప్తు చేస్తున్నారు.
AP: కాకినాడ(D) సామర్లకోటలో విషాదం చోటుచేసుకుంది. వేట్లపాలెంలో ఓ ఇంటి నిర్మాణం విషయంలో వివాదం చెలరేగింది. ఇరువర్గాల ఘర్షణలో ముగ్గురు హత్యకు గురైయ్యారు. ఒకే కుటుంబానికి చెందిన కాల్దారి ప్రకాశం, చంద్రరావు, ఏసుబాబు హత్యకు గురైనట్లు సమాచారం. మరో ఇద్దరు వ్యక్తులకు గాయాలు కాగా.. కాకినాడ GGHకు తరలించారు. కత్తులతో వచ్చి కుటుంబంపై 20 మంది ప్రత్యర్థులు దాడి చేసినట్లు తెలుస్తోంది. డీఎస్పీ శ్రీహరిరాజు ఘటనాస...
NZB: ఆర్మూర్‌ ప్రమాదవశాత్తు కాలువలో పడి వృద్ధుడు మృతి చెందాడు. ఈ ఘటన పెర్కిట్‌లో చోటు చేసుకుంది. SHO సత్యనారాయణ గౌడ్‌ వివరాల ప్రకారం మహారాష్ట్రలోని నాందేడ్‌ జిల్లా సిబ్దారా గ్రామానికి గాంధీ సమాన్వాడు(60) కూలీ పని చేసుకుంటూ పెర్కిట్‌లో జీవిస్తున్నాడు. శనివారం సాయంత్రం పెర్కిట్‌లోని మాటు కాలువలో చేపల వేటకు వెళ్లగా.. ప్రమాదవశాత్తు కాలువలో పడి మృతి చెందాడు.
KNR: హుజురాబాద్‌లోని మంటోసూరి పాఠశాల ఆవరణలోని పాఠశాల బస్సులో ఒక్కసారిగా మంటలు చెలరేగి పూర్తిగా కాలిపోయింది. పోలీసులకు సమాచారం అందించడంతో సిబ్బంది ఫైర్ ఇంజిన్లతో మంటలు ఆర్పే ప్రయత్నం చేశారు. అయితే వాహనంలో షార్టుసర్క్యూట్ జరిగిందా? లేదా ఇతర కారణాలతో మంటలు చెలరేగాయా అనే కోణంలో పోలీసులు అనుమానిస్తున్నారు. ఆదివారం కావడంతో పిల్లలకు పెను ప్రమాదం తప్పింది.
సిద్దిపేట: కొండపాక మండలం జప్తి నాచారం గ్రామంలో లేగ దూడ హైనా దాడి చేసి చంపేసిన ఘటన ఆదివారం వెలుగు చూసింది. గ్రామానికి చెందిన పరశు రాములు తన వ్యవసాయ పొలం వద్ద కొట్టంలో పశువులను కట్టేశాడు. ఆదివారం ఉదయం వెళ్లి చూసేసరికి లేగ దూడ చనిపోయి ఉంది. లేగ దూడ చనిపోయిన ప్రాంతంలో రక్తపు చుక్క ఆనవాళ్లు ఏమాత్రం లేవని దీంతో హైనా లాంటిది దాడి చేసి ఉండవచ్చని భావిస్తున్నారు.
