భారతదేశంలో చీతాల (Cheetahs) సంఖ్య పెరుగుతోంది. ఇప్పటికే నమీబియా (Namibia) నుంచి తీసుకొచ్చిన చీతాలు భారత్ (India)లో సంతోషంగా జీవిస్తున్నాయి. అక్కడి నుంచి తీసుకొచ్చిన వాటిలో ఇటీవల ఒక చీతా అనారోగ్యంతో మృతి (Cheetah Died) చెందగా.. తాజాగా ఓ చీతా ఓ నాలుగు (Cubs) పిల్లలకు జన్మనిచ్చింది. చీతా పిల్లలకు జన్మనివ్వడంపై ప్రధాన మంత్రి నరేంద్ర మోదీ (Narendra Modi), కేంద్ర మంత్రి భూపేందర్ యాదవ్ (Bhupender Yadav) హర్షం వ్యక్తం చేశారు. ‘చరిత్రాత్మకమైన క్షణం’గా అభివర్ణించారు.
చదవండి: బీఆర్ఎస్ పోటీ చేస్తుందా? కేసీఆర్ వ్యూహమేంటి?
గతేడాది సెప్టెంబర్ 17వ తేదీన నమీబియా దేశం నుంచి ప్రత్యేక విమానంలో భారతదేశానికి 8 చీతాలు తీసుకొచ్చిన విషయం తెలిసిందే. మధ్యప్రదేశ్ (Madhya Pradesh)లోని షియోపూర్ జిల్లాలో (Sheopur District) ఉన్న కునో జాతీయ పార్క్ (Kuno National Park)లో ఈ చీతాలు ఉంటున్నాయి. అయితే వీటిలో నాలుగున్నర వయసున్న ఓ చీతా సోమవారం మృతి చెందింది. అయితే ఉన్న ఏడింటిలో ఒక చీతా బుధవారం నాలుగు కూనలకు జన్మనిచ్చింది. దీంతో కేంద్ర అటవీ శాఖ మంత్రి భూపేందర్ యాదవ్ సంతోషం వ్యక్తం చేశారు. మోదీ ఆదర్శ పాలనకు నిదర్శనం అని పేర్కొన్నారు. కాగా ఈ వార్తపై ప్రధాని మోదీ హర్షం వ్యక్తం చేశారు. అద్భుతమైన వార్త అంటూ ట్వీట్ (Tweet) చేశారు.
చదవండి: ఘోరం.. పిండి కోసం తోపులాటలో 11 మంది మృతి
తన జన్మదినం సందర్భంగా ప్రధాని మోదీ 8 చీతాలు (5 ఆడ, 3 మగ పులులు) తీసుకొచ్చారు. అనంతరం దక్షిణాఫ్రికా (South Africa) నుంచి 12 చీతాలను ఈ ఏడాది ఫిబ్రవరి 18వ తేదీన భారత్ కు తీసుకొచ్చిన విషయం తెలిసిందే. ఆ చీతాలు అన్ని మధ్యప్రదేశ్ లోని కునో పార్కులో (Kuno Park) ఉంటున్నాయి. ప్రస్తుతం వాటి ఆలనాపాలనపై ప్రత్యేక చర్యలు తీసుకుంటున్నాయి. వాటి సంఖ్య పెరిగేందుకు అటవీ శాఖ ప్రత్యేక జాగ్రత్తలు తీసుకుంటున్నది. ఈ క్రమంలోనే ఓ చీతా నాలుగింటికి జన్మనివ్వడంతో భారత్ లో మళ్లీ చీతాల సంఖ్య పెరుగుతుందని అటవీ అధికారులు హర్షం వ్యక్తం చేస్తున్నారు.
చదవండి: 550 మందికి తండ్రి.. ఆయన్ను అడ్డుక్కోవాలని కోర్టుకెక్కిన మహిళ
https://twitter.com/narendramodi/status/1641014411711348736?cxt=HHwWgIDQlbf6hsYtAAAA
