గీతానంద్‌, నేహా సోలంకి జంటగా నటిస్తోన్న చిత్రం ‘గేమ్ ఆన్’(GameOn). కస్తూరి క్రియేషన్స్‌ ప్రొడక్షన్‌, గోల్డెన్‌ వింగ్‌ ప్రొడక్షన్స్‌ బ్యానర్స్‌పై దయానంద్ దర్శకత్వంలో రవి కస్తూరి ఈ సినిమాను నిర్మిస్తున్నారు. ఈ చిత్రంలో తమ్ముడి దర్శకత్వంలో అన్న హీరోగా నటించడం విశేషం. మధు బాల, ఆదిత్య మీనన్‌ కీలక పాత్రల్లో నటిస్తున్నారు. తన జీవితాన్ని చాలించాలనుకునే ఓ వ్యక్తి రియల్‌ టైమ్‌ గేమ్‌లోకి ఎలా ప్రవేశించాడు. గేమ్‌లోని టాస్క్‌ను ఎలా స్వీకరించాడు. అసలు ఆ గేమ్ ఎంచుకోబడడానికి కారణం ఏమిటి, ఈ గేమ్ ఎవరు ఆడుతున్నారు? ఫైనల్‌గా ఏం జరిగింది? అన్న ఇత్తివృత్తంతో ఆధ్యంతం ఉత్కంఠగా సాగే కోర్‌ డ్రామాగా ఈ చిత్రాన్ని తెరకెక్కించారు. సమ్మర్లో ఈ సినిమాను విడుదల చేయడానికి నిర్మాతలు సన్నాహాలు చేస్తున్నారు.
రథం చిత్రం తర్వాత గీతానంద్‌ని మరోస్థాయిలో నిలబెట్టే చిత్రం ఇదేనని నిర్మాత రవి కస్తూరి అన్నారు. గీతానంద్‌, దయానంద్ ఇద్దరిలో కలిసి పని చేయడం చాలా ఆనందంగా ఉందన్నారు. సినిమా అవుట్‌పుట్‌ చాలా బాగా వచ్చిందన్నారు. ఈ చిత్రం కోసం గొప్ప స్టార్‌క్యాస్ట్‌ తీసుకున్నామని, కీలక పాత్ర పోషించిన మధుబాల గతంలో ఉన్నడూ చేయని పాత్ర ఈ చిత్రంలో చేశారని తెలిపారు. న్యూఏజ్‌ కథతో రూపొందిన ఈ చిత్రం అందరికీ కనెక్ట్‌ అవుతుందని అభిప్రాయం వ్యక్తం చేశారు. మధుబాల పాత్రకు కుటుంబ ప్రేక్షకులు ఎంతగానో కనెక్ట్‌ అవుతారు.
చదవండి: Varun Dhawan: పేరెంట్స్ కాబోతున్న వరుణ్ ధావన్ కపుల్?.. ముందే విశ్ చేస్తున్న నెటిజన్లు
కార్తికేయ 2తో ప్రత్యేక గుర్తింపు తెచ్చుకున్న ఆదిత్య మీనన్‌ ఈ సినిమాలో కూడా ఓ ఇంటెన్స్‌ క్యారెక్టర్‌లో నటిస్తున్నాడు. నేహా సోలంకి నటనతోపాటు అందచందాలతో కూడా ఆకట్టుకుంటారు. శుభలేఖ సుధాకర్‌, కిరీటి, వాసంతి, కీలక పాత్రలో అలరిస్తారు. ఇటీవల విశ్వక్‌సేన్‌ విడుదల చేసిన టీజర్, అంతకుముందు వదిలిన పాటలకు మంచి స్పందన వచ్చింది. అరవింద్‌ విశ్వనాథన్‌ అద్భుతంగా విజువల్స్‌ ఇచ్చాడని, ప్రతి ఫ్రేమ్‌ మిమ్మల్ని ఓ కొత్త లోకంలోకి తీసుకెళుతుందని పేర్కొన్నారు.
తెలుగులో ఇప్పుడు డిఫరెంట్‌ సినిమాలు రావడమే కాదు.. సక్సెస్‌ కూడా అవుతున్నాయని దర్శకుడు దయానంద్ అన్నారు. ఆ కోవలోనే గేమ్ ఆన్ సినిమా ఉంటుందని దయానంద్ స్పష్టం చేశారు. ట్విస్టులు, టర్నులతో ఆధ్యంతం ఆసక్తిగా కొనసాగుతుందని వెల్లడించారు. ఈ సినిమాలో యాక్షన్‌, రొమాన్స్‌, ఎమోషన్స్‌… అన్ని రకాల ఎలిమెంట్స్‌ ప్రేక్షకులను ఆకట్టుకుంటాయని అభిప్రాయం వ్యక్తం చేశారు.
చదవండి: Urfi Javed: నా ఫోటో అడల్ట్ సైట్లో పెట్టారు.. చనిపోవాలనుకున్నా
