ఈ వారం థియేటర్లో రిలీజ్ అయిన సినిమాల్లో దగ్గుబాటి బ్రదర్స్ నుంచి రెండు సినిమాలొచ్చాయి. జూన్ 2న తిరువీర్ హీరోగా రూపొందిన తెలంగాణ విలేజ్ బ్యాక్ డ్రాప్ మూవీ ‘పరేషాన్’ థియేటర్లోకి వచ్చింది. ఈ సినిమాను రానా దగ్గుబాటి సమర్పించారు. దాంతో.. తమ్ముడి సినిమాతో పాటు.. పరేషాన్ మూవీని బాగానే ప్రమోట్ చేశాడు రానా(rana). అయితే చివరగా విరాట పర్వం సినిమాతో మెప్పించలేకపోయనా రానా.. ప్రజెంటర్‌గా అయినా హిట్ కొడతాడా.. అనేది ఆసక్తికరంగా మారింది.
ఇది కూడా చూడండి: Rana Daggubati: ‘Project K’ బాహుబలి, RRRని మించిన సినిమా
కానీ ఈ సినిమా నిజంగానే థియేటర్లో పరేషాన్ చేసేలా.. సిల్లీ కామెడీ డ్రామాగా ఉందని అంటున్నారు. దాంతో పరేషాన్(pareshan movie) పై పెద్దగా బజ్ లేదు. ఇక రానా తమ్ముడు అభిరాం ‘అహింస’ అనే సినిమాతో హీరోగా టాలీవుడ్‌కి పరిచయం అవుతున్నాడు. తేజ దర్శకత్వంలో తెరకెక్కిన ‘అహింస’.. అనేక వాయిదాల అనంతరం జూన్ 2 ఆడియెన్స్ ముందుకొచ్చింది. ఈ సినిమాని ఆనంది ఆర్ట్ క్రియేషన్స్ బ్యానర్ పై కిరణ్ గ్రాండ్‌గా నిర్మించారు. గీతికా హీరోయిన్‌గా నటించింది. చాలా కాలం తర్వాత ఆర్ పి పట్నాయక్, తేజ కాంబినేషన్లో వస్తున్న సినిమా కావడంతో.. అహింస పై అంచనాలు బాగానే ఉన్నాయి.
ఈ సినిమాతో నటుడిగా అభిరాం(abhiram) ఎలా ఆకట్టుకుంటాడనే ఆసక్తి అందరిలోను నెలకొంది. తేజ లాంచ్ చేస్తున్నాడు కాబట్టి.. అభిరామ్ అందరి అంచనాలు అందుకుంటాడనే నమ్మకం ఉంది. కానీ ఈ సినిమా అనుకున్నంత స్థాయిలో లేదనే టాక్ నడుస్తోంది. తేజ పాత సినిమాలు గుర్తుకు వస్తున్నాయని అంటున్నారు. దీంతో దగ్గుబాటి బ్రదర్స్‌లో ఎవరిది పై చేయి అనేది మరింత ఆసక్తికరంగా మారింది. ఆ విషయంలో క్లారిటీ రావాలంటే.. ఈ వారాంతం వరకు వెయిట్ చేయాల్సిందే.
