భాగ్యనగరంలో మరో భారీ చోరీ జరిగింది. వాచ్ మెన్ గా ఉంటామంటూ నమ్మించారు. చివరికి యాజమానినే నట్టేట ముంచారు. 5 కోట్ల రూపాయల సొత్తును దోచుకెళ్లారు. ఈ ఘటన సికింద్రాబాద్(secunderabad) సింధు కాలనీలో జరిగింది. రాహల్ గోయల్ ఇంట్లో ఓ నేపాలీ కుటుంబం వాచ్ మెన్ గా సేవలు నిర్వహించేవారు. ఆ క్రమంలో వ్యాపారి రాహుల్ గోయల్ తన కుటుంబంతో కలిసి ఈనెల 9న ఫామ్ హౌస్ కు వెళ్లారు. తర్వాత వారు ఇంటికి వచ్చి చూసే సరికి తాళం పగులగొట్టి ఉంది. ఇంట్లోకి వెళ్లి చూస్తే నగలు, క్యాష్ కనిపించలేదు. దీంతోపాటు ఆ నేపాలీ ఫ్యామిలీ కూడా కనిపించకపోవడంతో వారిపై అనుమానం వచ్చి పోలీసులకు ఫిర్యాదు చేశారు. ఆ నేపథ్యంలో ఇంట్లో ఉన్న నేపాలీ వాచ్ మెన్ దంపతులు(nepali watchman family) చోరీ చేసినట్లు వారు చెబుతున్నారు. దీంతోపాటు ఐదు కోట్ల రూపాయల విలువైన బంగారం, నగదు పోయినట్లు బాధిత కుటుంబ సభ్యులు చెబుతున్నారు. కేసు నమోదు చేసిన పోలీసులు(police) వారి కోసం గాలింపు చర్యలు చేపడుతున్నారు. అయితే ఆ నేపాలీ కుటుంబం గత ఐదేళ్ల నుంచి వారి ఇంట్లో వాచ్ మెన్ గా ఉంటున్నట్లు తెలిసింది.
ఇది కూడా చూడండి: ఆన్లైన్లో సమోసాలు ఆర్డర్.. రూ1.40 లక్షలు మాయం
