ఏపీ ముఖ్యమంత్రి వైఎస్‌ జగన్‌మోహన్‌రెడ్డి(jagan mohan reddy) తాడేపల్లిలోని తన క్యాంపు కార్యాలయంలో ఆంధ్రప్రదేశ్‌లో వర్షాలు, వరదలపై సమీక్ష నిర్వహించారు. ఈ సమీక్షలో వరద ప్రభావిత ప్రాంతాల్లో పర్యటించాలని ఎమ్మెల్యేలకు ఆయన ఆదేశాలు జారీ చేశారు. ఇలాంటి సందర్భాలలో క్షేత్రస్థాయిలో ఉండాల్సిన ప్రాముఖ్యతను ముఖ్యమంత్రి గుర్తు చేశారు. ముంపు మండలాలు, ప్రభావిత ప్రాంతాలు, పంట పొలాలను సందర్శించాలని ఎమ్మెల్యేలను కోరారు. వరద బాధితులను ఆదుకోవాలని, ఆదుకోవాలని సీఎం జగన్ తన పాలనా యంత్రాంగాన్ని ఆదేశించారు.
దీంతోపాటు బాధితులను సహాయ శిబిరాల నుంచి ఇళ్లకు తరలించే క్రమంలో ప్రతి కుటుంబానికి రూ.2 వేల సాయం అందించాలని సీఎం జగన్(ap cm jagan) పేర్కొన్నారు. వ్యక్తులతే వెయ్యి రూపాయలు ఇవ్వాలని అన్నారు. మరోవైపు కచ్చా ఇళ్ల మరమ్మత్తుల కోసం రూ.10 వేల సాయం తక్షణమే అందించాలని తెలిపారు. దీంతోపాటు 25 కేజీల బియ్యం, కిలో ఉల్లిపాయలు, కిలో బంగాళదుంపలు, కిలో పామాయిల్ ఆయా బాధితులకు అందించాలని సీఎం జగన్ ప్రకటించారు. ఈ నేపథ్యంలో ఇళ్ల విషయంలో పాక్షికంగా దెబ్బతిన్నాయా లేక పూర్తిగా దెబ్బతిన్నాయా అనే వర్గీకరణ చేయోద్దని సీఎం అధికారులకు సూచించారు.
ఇది కూడా చూడండి: Chandrababu naidu: జగన్ తప్పుడు లెక్కలు చూపించడంలో సిద్ధహస్తుడు
