AKP: గర్భిణీలు, బాలింతలు, పిల్లలకు పోషకాహారాన్ని ఇవ్వాలని ఐసీడీఎస్ సూపర్వైజర్ అన్నపూర్ణ, అంగన్వాడీ కార్యకర్త నాగమణి విజ్ఞప్తి చేశారు. శుక్రవారం మునగపాక మండలం పాటిపల్లిలో పోషణ్ పక్వాడ కార్యక్రమాన్ని నిర్వహించారు. జింక్ ఫుడ్స్కు దూరంగా ఉండాలని అన్నారు. ఆరోగ్యంపై ప్రత్యేక శ్రద్ధ తీసుకోవాలన్నారు. సకాలంలో వ్యాధికి నిరోధక టీకాలు ఇవ్వాలన్నారు.
KRNL: వేసవిలో నియోజకవర్గ పరిధిలో గడ్డి వాములు అగ్ని ప్రమాదానికి గురవుతుండటం వల్ల పశువులకు మేత కరవవుతోందని ఎమ్మెల్యే శ్యాంబాబు అన్నారు. పత్తికొండ అగ్నిమాపక కేంద్రంలో శుక్రవారం నూతన వాహనాన్ని ఆయన ప్రారంభించారు. అగ్నిమాపక అధికారులు సరైన సమయంలో స్పందించి, మంటలను ఆర్పి వేస్తున్నారంటూ వారి సేవలను కొనియాడారు. ఈ కార్యక్రమంలో రీజినల్ జిల్లా అధికారులు, తదితరులు పాల్గొన్నారు.
గుంటూరు: మత్తుపదార్థాల రహిత సమాజ స్థాపనే లక్ష్యంగా ఈ నెల 21న గుంటూరు నగరంలో 2K వాక్ నిర్వహిస్తున్నట్లు మాజీ ఎమ్మెల్సీ కేయస్ లక్ష్మణరావు వెల్లడించారు. యాంటీ డ్రగ్స్ ఫోరమ్ శుక్రవారం బ్రాడీపేటలో 2K వాక్ పోస్టర్లను ఆవిష్కరించింది. ఇందులో భాగంగా లక్ష్మణరావు మాట్లాడారు. ఉదయం 8 గంటలకు శంకర్ విలాస్ సెంటర్ నుంచి ర్యాలీ ప్రారంభమవుతుందన్నారు.
ATP: రాయదుర్గం పట్టణం కోటలో వెలసిన శ్రీ స్వయంభూ జంబుకేశ్వరుడు శుక్రవారం అమావాస్య రోజు ప్రత్యేక అలంకరణలో భక్తులకి దర్శనం ఇచ్చాడు. పురోహితులు రామకృష్ణ ఉదయాన్నే స్వామి మూల విరాట్కి ప్రత్యేక అభిషేకాలు చేపట్టి, పుష్పాలతో విశేషంగా అలంకరించి మంగలనైవేద్యాలు అందించారు. భక్తులు పెద్దఎత్తున ఆలయానికి విచ్చేసి స్వామి వారిని దర్శించుకొని మొక్కులు తీర్చుకున్నారు.
కోనసీమ: అమలాపురం మున్సిపల్ కాలనీలో రెండు వర్గాల మధ్య చోటు చేసుకున్న ఘర్షణలో ఏడుగురు వ్యక్తులపై కేసు నమోదు చేసినట్లు పట్టణ సీఐ వీరబాబు తెలిపారు. పరస్పర ఫిర్యాదుల మేరకు మీసాల కృష్ణకుమారి వర్గంపై ముగ్గురు, గాడ విజయ్ పిర్యాదుతో మరో నలుగురిపై శుక్రవారం కేసు నమోదు చేశామని సీఐ తెలిపారు. శాంతి భద్రతలకు విఘాతం కలిగిస్తే కఠిన చర్యలు తప్పవని సీఐ హెచ్చరించారు.
PPM: మన్యం జిల్లా సీతానగరం మండల కేంద్రంలో గల ఎంపీడీవో కార్యాలయం ఆవరణలో ఏర్పాటు చేసిన మజ్జిగ చలివేంద్రాన్ని పార్వతీపురం ఎమ్మెల్యే బోనెల విజయచంద్ర శుక్రవారం ప్రారంభించారు. ఎమ్మెల్యే మాట్లాడుతూ.. ఎంపీడీవో కార్యాలయానికి వివిధ పనుల నిమిత్తం వచ్చే ప్రజల, ప్రయాణికుల, పాదచారుల, వాహనదారుల యొక్క దాహార్తిని తీర్చేందుకు ఈ మజ్జిగ చలివేంద్రాన్ని ఏర్పాటుచేసాము అన్నారు.
VZM: ప్రజల సమస్యలను ఎప్పటికప్పుడు తెలుసుకుంటూ, వాటి పరిష్కారానికి కార్యకర్తలు వారధిలా పనిచేయాలని ఎస్.కోట ఎమ్మెల్యే కోళ్ల లలిత కుమారి పిలుపునిచ్చారు. శుక్రవారం ఎల్.కోట మండల కేంద్రంలోని క్యాంప్ కార్యాలయంలో నియోజకవర్గ ముఖ్య నాయకులు, కార్యకర్తలతో ఆమె కేడర్ మీటింగ్ నిర్వహించారు. క్షేత్రస్థాయిలో పార్టీ బలోపేతానికి కార్యకర్తలు అందిస్తున్న సేవలు అభినందనీయమన్నారు.
కృష్ణా: స్వయం సహాయక సంఘాల బలోపేతానికి వీఓఏల పాత్ర కీలకమని అవనిగడ్డ ఎమ్మెల్యే మండలి బుద్ధప్రసాద్ అన్నారు. శుక్రవారం అవనిగడ్డలోని ఎమ్మెల్యే కార్యాలయంలో మోపిదేవి మండలానికి చెందిన 32మంది వీఓఏలకు రాష్ట్ర ప్రభుత్వం ఉచితంగా సమకూర్చిన నూతన మొబైల్ ఫోన్లను ఎమ్మెల్యే చేతులమీదుగా అందచేశారు. వెలుగు ఏపీఎం డీ.శ్రీను పాల్గొన్నారు.
SKLM: ఎచ్చెర్ల మండలం చిన్న కొంగరాం గ్రామంలో సీసీ రోడ్డును ఎంపీపీ మొదలవలస చిరంజీవి శుక్రవారం ప్రారంభించారు. ఈ సందర్భంగా ఆయన మాట్లాడుతూ.. మండల పరిషత్ నిధుల నుంచి సుమారు ఐదు లక్షల రూపాయల వ్యయంతో ఈ నిర్మాణ పనులు చేపట్టడం జరిగిందని తెలిపారు. ఈ కార్యక్రమంలో వైస్ ఎంపీపీ బెండు రామారావు, స్థానిక మాజీ సర్పంచ్ గుండ రవి, తదితరులు పాల్గొన్నారు.
ప్రకాశం: హనుమంతునిపాడు మండల తహసీల్దార్ రమణారావు శుక్రవారం మండలంలో నిర్వహించిన రీ-సర్వే కార్యక్రమానికి హాజరయ్యారు. ఈ సందర్భంగా సంబంధిత ప్రాంతాలను పరిశీలించి, పనుల పురోగతిని తెలుసుకున్నారు. రీ-సర్వే ప్రక్రియను వేగవంతంగా, పారదర్శకంగా పూర్తి చేయాలని సిబ్బందికి సూచించారు. అలాగే ప్రజలకు ఇబ్బందులు కలగకుండా జాగ్రత్తలు తీసుకోవాలని ఆదేశించారు.
KKD: జిల్లా వ్యాప్తంగా పౌరసరఫరాల సంస్థ, పోలీసులు దాడులు చేస్తున్నా రేషన్ బియ్యం అక్రమ రవాణా కొనసాగుతూనే ఉంది. గురువారం బి.ప్రత్తిపాడులోని రైస్ మిల్లులపై జరిపిన దాడుల్లో భారీగా పీడీఎస్ బియ్యం పట్టుబడటంతో కేసులు నమోదు చేశారు. కాకినాడ, పిఠాపురం, పెద్దాపురం తదితర ప్రాంతాల్లో ఈ దందాను అరికట్టేందుకు అధికారులు తనిఖీలు ముమ్మరం చేశారు.
SKLM: ఆమదాలవలస కృష్ణాపురం మున్సిపల్ మోడల్ ప్రైమరీ పాఠశాల పరిధిలో కాంపెయినింగ్ నిర్వహించినట్లు హెచ్ ఎం ఎస్ ధనుంజయరావు శుక్రవారం తెలిపారు. విద్యార్థులకు ఒత్తిడి లేని బోధనతోపాటు ప్రభుత్వం ఉచితంగా పుస్తకాలు, బ్యాగు, యూనిఫాం, మిడ్ డే మీల్స్ వంటి సదుపాయాలు కల్పిస్తుందని తల్లిదండ్రులకు అవగాహన కల్పించామన్నారు. ఈ కార్యక్రమంలో ఉపాధ్యాయులు ఉన్నారు.
VZM: జిల్లా రెవెన్యూ డివిజనల్ అదికారి ( DRDO) ఎం.సుధారాణి శుక్రవారం రేగిడి ఆముదాలవలస మండలంలోని MLS రైస్ గోదాంను ఆకస్మికంగా తనిఖీ చేశారు.ఈ సందర్భంగా గోదాంలోని స్టాక్ నిల్వల పరిస్థితి, నిల్వ విధానాలు, రికార్డుల నిర్వహణ, పంపిణీ ప్రక్రియ, స్టాక్ రిజిస్టర్లు పరిశీలించారు. తూనికలు, కొలతల పరికరాలను తనిఖీ చేసి వాటి కచ్చితత్వాన్ని నిర్ధారించారు.
NDL: అవుకులోని పురాతన లక్ష్మి చెన్నకేశవ స్వామి ఆలయంలో ఈనెల 29 నుంచి మే 7 వరకు బ్రహ్మోత్సవాలు జరగనున్ననట్లు శుక్రవారం ఆలయ నిర్వాహకులు తెలిపారు. 29న అంకురార్పణ, 30న స్వామివారి కళ్యాణం నిర్వహిస్తారు. మే 1 నుంచి 5 వరకు వివిధ వాహన సేవలు, 6న రథోత్సవం, 7న వసంతోత్సవంతో వేడుకలు ముగుస్తాయని వెల్లడించారు. భక్తుల సౌకర్యార్థం అన్ని ఏర్పాట్లు చేపట్టారు.
KDP: లింగాల నుంచి ఉదయాన్నే వెళ్లే మొదటి ఆర్టీసీ బస్సులో ప్రయాణం చేయాలంటే ప్రయాణికులు తీవ్ర ఇబ్బందులు పడుతున్నారు. ప్రతిరోజూ ఉదయం గ్రామస్థులు, విద్యార్థులు, కూలీలు, ఉద్యోగస్థులు ప్రయాణాలు సాగిస్తుంటారు. దీంతో ఆ బస్సులో అడుగు తీసి అడుగు పెట్టాలంటే కష్టంగా మారిందన్నారు. RTC DM స్పందించి ప్రయాణికుల అవస్థలను గమనించి అదనపు బస్సును ఏర్పాటు చేయాలని కోరుతున్నారు.
