ప్రముఖ పుణ్యక్షేత్రమైన తిరుమల (Tirumala)లో ముగ్గురు చిన్నారులు అదృశ్యమయ్యారు. తిరుమలలోని స్థానిక ఆర్బీసీ సెంటర్‌కు చెందిన ముగ్గురు చిన్నారులు అదృశ్యమైన ఘటన స్థానికంగా కలకలం రేపింది. తిరుమల టూటౌన్ ఎస్ఐ సాయినాథ్ చౌదరి ఈ మేరకు మీడియాతో మాట్లాడారు. తిరుమలకు చెందిన ఎస్.కృష్ణ తనయుడు చంద్రశేఖర్, యోగేశ్ కుమారుడు వైభవ్ యోగేశ్, శ్రీవరదన్ మిస్ అయినట్లుగా వెల్లడించారు.
చదవండి: Michaung Cyclone: ఎఫెక్ట్..రేపు కూడా స్కూళ్లకు సెలవు
మిస్సింగ్ అయిన ఆ ముగ్గురు పిల్లల వయసు 13 సంవత్సరాలని తెలిపారు. ఈ ముగ్గురు విద్యార్థులు కూడా తిరుమలలోని ఎస్వీ హైస్కూల్‌లో 7వ తరగతి చదువుతున్నట్లు తెలిపారు. మధ్యాహ్నం వారంతా పుస్తకాలు తెచ్చుకునేందుకు ఇంటికి వెళ్లాలని పాఠశాలలో తెలిపారు.
చదవండి: Pavan Kalyan: చంద్రబాబుతో పవన్ కల్యాణ్ భేటీ
అయితే ఇంటికొచ్చిన ఆ ముగ్గురు పిల్లలు ల్యాప్‌టాప్ తీసుకుని బస్సెక్కి తిరుపతి ఏడు కొండల బస్టాండ్‌కు చేరుకున్నట్లు పోలీసులు తెలిపారు. అక్కడి నుంచి ఆ పిల్లల ఆచూకీ కనిపించలేదని, విద్యార్థులు ఇంటికి రాకపోవడంతో ఆందోళన చెందినట్లు విద్యార్థుల తల్లిదండ్రులు తెలిపారు. పాఠశాల టీచర్లను ఆరా తీయగా వారు కూడా తెలియదని చెప్పడంతో పోలీసులను ఆశ్రయించారు. కేసు నమోదు చేసుకున్న పోలీసులు మిస్సింగ్ అయిన విద్యార్థుల కోసం గాలిస్తున్నారు.
