ఏపీలో రాజకీయ సమీకరణాలు శరవేగంగా మారుతున్నాయి. ఇప్పటికే టీడీపీ, జనసేన పొత్తులపై చర్చలు ఒక కొలిక్కి వచ్చాయి. అధికార పార్టీని దించడమే లక్ష్యంగా సీట్ల పంపకాలపై చంద్రబాబు, పవన్ కల్యాణ్ చర్చలు జరిపారు. ఈ క్రమంలోనే బీజేపీ పార్టీ పొత్తులపై తుది నిర్ణయం తీసుకునేందుకు సిద్ధమయ్యారు. దానిలో భాగంగా.. బీజేపీ హైకమాండ్‌ పిలుపు మేరకు టీడీపీ అధినేత చంద్రబాబు ఢిల్లీకి చేరుకున్నారు. మరోవైపు పొత్తులపై చర్చించేందుకు జనసేనాని పవన్ కల్యాణ్ కు కూడా బీజేపీ అధిష్టానం నుంచి పిలుపువచ్చినట్లు తెలుస్తోంది. దీంతో పవన్ హుటాహుటిన హాస్తినకు బయలుదేరారు.
చదవండి:DK Shivakumar: డీకే శివకుమార్ పై కేసు నమోదు చేయండి.. కోర్టు ఆదేశం
చంద్రబాబు, పవన్ కల్యాణ్ ఇద్దరు కలిసి బీజేపీ పెద్దలలో భేటీ కానున్నట్లు తెలుస్తోంది. ఢిల్లీ టూర్‌లో భాగంగా.. చంద్రబాబు, పవన్ కల్యాణ్.. కేంద్ర హోంమంత్రి అమిత్ షాతో భేటీ కానున్నారు. ఈ నేపథ్యంలో ఏపీలో తాజా రాజకీయ పరిస్థితులు, పొత్తులపై అమిత్‌షాతో చర్చించనున్నారు. ఇప్పటికీ పొత్తులపై ఏపీ బీజేపీ నేతలను ఆరా తీసారు అమిత్ షా. అంతేగాక పొత్తు అవసరాలు, పార్టీ నేతల అభిప్రాయాలను అడిగి తెలుసుకున్నారు.
చదవండి:Treason Cases: ఐదేళ్లలో నమోదైన దేశద్రోహం కేసులు ఎన్నంటే?
మూడు పార్టీలకు మేలు జరిగేలా పొత్తులు ఉండేలా అధిష్టానం దృష్టికి తీసుకెళ్లారు. వీటి కోసమే ఇరుపార్టీల అధినేతలు ఢిల్లీకి వెళ్లినట్లుగా తెలుస్తోంది. ఈ భేటీలో కీలకంగా మూడు పార్టీల మధ్య సీట్ల పంపకాలు, రాజకీయ పరిస్థితులపై చర్చించే అవకాశం ఉంది. చంద్రబాబు ఢిల్లీ పర్యటనలో భాగంగా టీడీపీ ఎంపీ ఇంటికి వెళ్లారు. అక్కడే టీడీపీ ఎంపీలతో భేటీ అయ్యారు. ఇటీవల వైసీపీ నుంచి బయటికి వచ్చిన ఎంపీ లావు శ్రీకృష్ణదేవరాయలు కూడా చంద్రబాబుతో కలిసి భేటీ అయ్యారు. ఎంపీ లావు త్వరలోనే టీడీపీలో చేరనున్నట్లు తెలుస్తోంది. ఈ నేపథ్యంలో తాజా భేటీ ప్రాధాన్యత సంతరించుకుంది.
