VSP: సింహాచలం సింహాద్రి అప్పన్నను సినీ గాయకుడు కారుణ్య సంప్రదాయం వస్త్రాలతో దర్శించుకున్నారు. ఆలయానికి విచ్చేసిన కారుణ్యకు ఆలయ అధికారులు స్వాగతం పలికారు. కప్ప స్తంబాన్ని ఆలింగనం చేసుకున్నారు. ఆలయంలో స్వామికి విశేష పూజలు అర్చనలు అభిషేకాలు నిర్వహించారు. దర్శనం అనంతరం వేద పండితులు ఆశీర్వదించి తీర్థ ప్రసాదాలు అందజేశారు.
ATP: రామచంద్రపురం మండల బీజేపీ అధ్యక్షుడిగా నరసన్న జనార్ధన్ నాయుడు ఏకగ్రీవంగా ఎన్నికయ్యారు. ఈ మేరకు ఆయనకు పలువురు అభినందనలు తెలిపారు. నుంచి పార్టీ బలోపేతానికి కృషి మండల స్థాయి చేస్తానని జనార్దన్ నాయుడు హామీ ఇచ్చారు.
KDP: భారత కమ్యూనిస్టు పార్టీ సీపీఐ శత వార్షికోత్సవ ప్రారంభ వేడుకలను జయప్రదం చేయాలని సీపీఐ జిల్లా కార్యదర్శి నరసింహులు కోరారు. ఆదివారం రాయచోటి పట్టణంలోని సీపీఐ పార్టీ కార్యాలయంలో పోస్టర్లు ఆవిష్కరణ చేశారు. ఈ సందర్భంగా ఆయన మాట్లాడుతూ.. భారత కమ్యూనిస్టు పార్టీ ఆవిర్భవించి 99 ఏళ్లు పూర్తి చేసుకుందన్నారు.
కోనసీమ: కొత్తపేట మండలం వాడపాలెం గ్రామం పంచాయితీ ఆవరణలో జరుగుతున్న అభివృద్ధి పనులను స్థానిక ఎమ్మెల్యే బండారు సత్యానందరావు ఆదివారం పరిశీలించారు. పంచాయితీ ఆవరణలో ఉన్న చెరువు చుట్టూ వాకింగ్ ట్రాక్ ఏర్పాటు చేసేందుకు అనుగుణంగా పనులు చేపట్టాలని, అలాగే ఆవరణలో రోడ్డు నిర్మాణానికి చర్యలు తీసుకోవాలని సర్పంచ్ త్సామా బాబుకు సూచించారు.
ATP: గుంటూరులో షాప్ ఛైర్మన్ రవి నాయుడుని ఎన్ఐఎస్ జూడో కోచ్ సాకే. పురుషోత్తం ఆదివారం మర్యాద పూర్వకంగా కలిశారు. ఆయన అనంతపురం జిల్లాలో ఉన్నటువంటి క్రీడాకారులకు సహకరించి అదేవిధంగా ఎన్ఐఎస్ చేసినటువంటి వారికి కోచ్ పోస్టులు విడుదల చేసి ప్రతి నియోజకవర్గంలో ఒక ఇండోర్ స్టేడియం ఏర్పాటు చేసి జూడో క్రీడాకారుల అభివృద్ధికి కృషి చేయాలని ఈ సందర్భంగా రవి నాయుడుని కోరారు.
GNTR: గ్రంథాలయాలకు పునరుజ్జీవం కల్పించేందుకు కూటమి ప్రభుత్వం కృతనిశ్చయంతో ఉందని కేంద్ర సహాయ మంత్రి పెమ్మసాని చంద్రశేఖర్ పేర్కొన్నారు. గుంటూరులోని అంబేద్కర్ స్టడీ సర్కిల్ భవనాలను ఆదివారం ఎంపీ పరిశీలించారు. ఆయన మాట్లాడుతూ.. గురువులతో సమానమైన లైబ్రరీలను సద్వినియోగం చేసుకొని విద్యార్థులు లక్ష్యాలు సాధించాలని సూచించారు.
KDP: రాజంపేట వాకర్స్ అసోసియేషన్ సేవలకు గుర్తింపుగా ఆదివారం ప్రెసిడెంట్ కొండూరు శరత్ కుమార్ రాజుకు ఎక్సలెంట్ వైస్ ప్రెసిడెంట్ అవార్డును, వాకర్స్ ఇంటర్నేషనల్ ప్రెసిడెంట్ మురళి మోహన్ రావు అందజేశారు. శరత్ రాజు మాట్లాడుతూ.. వాకర్స్ ఇంటర్నేషనల్‌లో మహాత్మా గాంధీ ఫెలోషిప్ సభ్యత్వాలు ఒకే రోజు రాజంపేట వాకర్స్ 108 మంది తీసుకున్నారని అన్నారు.
W.G: ఉండి నూతన ప్రెస్‌క్లబ్ సభ్యులు ఉండి ఎమ్మెల్యే డిప్యూటీ స్పీకర్ కనుమూరి రఘురాం కృష్ణంరాజును ఆదివారం ఆయన నివాసంలో మర్యాదపూర్వకంగా కలిశారు. ఈ సందర్భంగా అధ్యక్షులు కృష్ణమోహన్, కార్యదర్శి జోషి ఆయనకి పుష్పగుచ్చాన్ని అందజేశారు. అనంతరం నూతన ప్రెస్‌క్లబ్ కమిటీని ఆయన అభినందించారు. ప్రజ సమస్యల పరిష్కారానికి కృషి చేయాలని సభ్యులకు ఆయన సూచించారు.
KDP: పిల్లలకు పెద్దలకు సంస్కారాన్ని నేర్పించిన హిందూ ధర్మం గొప్పతనాన్ని తెలిపాలని కడప అంచల్ అధ్యక్షులు చెన్న కృష్ణయ్య అన్నారు. చాపాడులోని ఆత్మారామ దేవాలయంలో ఆదివారం ఏకల్ పాఠశాల మాసవర్గ సమావేశం నిర్వహించారు. ఈ కార్యక్రమంలో ఎస్ఎస్ఎఫ్ మండల కన్వీనర్ సుబ్బరాయుడు, కార్యాలయ ప్రముఖులు సృజన, ఓబులేసు, రామచంద్ర, రామకృష్ణ తదితరులు పాల్గొన్నారు.
W.G: నరసాపురంలో జనవరి 14 నుంచి 18తేదీ వరకూ జాతీయ స్థాయి కబడ్డీ పోటీలు నిర్వహిస్తున్నట్లు గోగులమ్మ ఉత్సవ కమిటీ కన్వీనర్, మాజీ ఎమ్మెల్యే కొత్తపల్లి జానకిరామ్ తెలిపారు. ఆదివారం ఆయన మాట్లాడుతూ.. దేశంలో పలు ప్రాంతాల నుంచి 40 స్త్రీ, పురుష జట్లు పాల్గొంటాయన్నారు. ఈ పోటీలను విజయవంతం చేయాలని జానకీరామ్ కోరారు. విజేతలకు రూ.7.50లక్షలు ప్రైజ్ మనీ ఉందన్నారు.
కృష్ణా: గుడివాడ ఎమ్మెల్యే వెనిగండ్ల రాము కొండలమ్మ అమ్మవారి దేవస్థానం నూతన సంవత్సర మొదటి క్యాలెండర్ ను ఆదివారం విడుదల చేశారు. గుడ్లవల్లేరు మండలం కౌతవరం గ్రామపంచాయతీ పరిధిలోని వేమవరంలో ఉన్న శ్రీ కొండలమ్మ అమ్మవారి దేవస్థానానికి ఎమ్మెల్యే వచ్చారు. ఈ సందర్భంగా ఎమ్మెల్యేకు జ్ఞాపికను అందజేశారు.
SKLM: విద్యుత్ ఛార్జీల పెంచిన పాపం జగన్ రెడ్డి దే అని పాతపట్నం ఎమ్మెల్యే మామిడి గోవిందరావు అన్నారు. ఆదివారం ఆయన మీడియాతో మాట్లాడుతూ.. గత వైసీపీ ప్రభుత్వంలో మీరే విధ్యుత్ చార్జీలు పెంచి, మీరే ధర్నాలు చేయడం ప్రజలను మోసం చేయడమే కాదా అని అన్నారు. వైసీపీ నాయకులు చేసిన పాపం కూటమి ప్రభుత్వంపై బురద జల్లడం సరి కాదు అని అన్నారు.
GNTR: గుజ్జనగుండ్లలో లూథరన్ చర్చి వద్ద ఓ ఇంట్లో అగ్ని ప్రమాదం సంభవించి నష్టపోయిన బాధిత కుటుంబానికి ఎమ్మెల్యే గళ్ళా మాధవి ఆర్థికసాయం అందజేశారు. బాధిత కుటుంబ సభ్యులకు దుస్తులు, పిల్లలకు స్కూల్ బ్యాగ్‌లను అందించారు. ఎమ్మెల్యే మాట్లాడుతూ.. అగ్ని ప్రమాదంలో సర్వం కోల్పోయి కట్టుబట్టలతో రోడ్డుపై నిలిచిన బాధితులకు తనవంతుగా ఆర్ధిక సహాయాన్ని అందజేశామన్నారు.
ASR: డుంబ్రిగుడ ఏకలవ్య పాఠశాల నిర్మాణానికి భూములు మేము ఇస్తే ఉపాధి అవకాశాలు వేరే మండలం వారికి కల్పించడం సరికాదని స్థానిక సొంతవలస గ్రామం భూవిరాళ దాతలు ఆవేదన వ్యక్తం చేశారు. ఈ మేరకు మండల కేంద్రంలోని నిర్మాణం జరుగుతున్న ఏకలవ్య పాఠశాలకు సంబంధించి భూమి దాతలు నిర్మాణం జరుగుతున్న పాఠశాల ప్రాంగణంలో ఆందోళన చేపట్టారు. తమకు న్యాయం చేయాలని డిమాండ్ చేశారు.
NTR: మైలవరంలోని లకిరెడ్డి హనిమిరెడ్డి ప్రభుత్వ డిగ్రీ కళాశాలలో ఆంధ్రప్రదేశ్ రాష్ట్ర నైపుణ్యాభివృద్ధి సంస్థ ఆధ్వర్యంలో ఈ నెల 30న జాబ్ మేళా నిర్వహిస్తున్నట్లు జిల్లా నైపుణ్యాభివృద్ధి అధికారి శ్రీనివాసరావు తెలిపారు. టెక్నో టాస్క్, బిజినెస్ సొల్యూషన్స్ ప్రైవేట్ లిమిటెడ్, ఇన్నోసోర్స్ సర్వీసెస్ ప్రైవేట్ లిమిటెడ్ వంటి కంపెనీలు పాల్గొంటాయన్నారు.
