ATP: గుత్తి మండలం పెద్దొడ్డి గ్రామంలో ఆదివారం కడుపునొప్పి తాళలేక కురుబ లక్ష్మీనారాయణ అనే వ్యక్తి ఇంట్లో ఎవరు లేని సమయంలో ఉరివేసుకొని ఆత్మహత్యకు పాల్పడ్డాడు. గమనించిన కుటుంబ సభ్యులు హుటాహుటిన చికిత్స నిమిత్తం ప్రభుత్వ ఆసుపత్రికి తరలించారు. పరీక్షించిన వైద్యులు అప్పటికే మృతి చెందినట్లు నిర్ధారించారు.
W.G: పిల్లలలో సృజనాత్మక శక్తిని ప్రోత్సహించడానికి బాలోత్సవం పేరుతో పోటీలు నిర్వహించడం అభినందనీయమని నరసాపురం ఆర్డీవో దాసిరాజు అన్నారు. ఆదివారం శ్రీ వై.ఎన్. కళాశాలలో నరసాపురం బాలోత్సవం కార్యక్రమాన్ని ఆయన ప్రారంభించారు. అనంతరం ఎమ్మెల్సీ గోపిమూర్తి విజేతలకు ప్రశంసా పత్రాలు, మెమెంటోలు అందజేశారు.
NLR: జీజీహెచ్లో అగ్నిప్రమాదం చోటుచేసుకుంది. పిల్లల వార్డులో మంటలు చెలరేగాయి. గర్భిణులు, బాలింతలు, ఆసుపత్రి సిబ్బంది భయంతో బయటకు పరుగులు తీశారు. దట్టమైన పొగతో రోగులు, పిల్లలు ఉక్కిరి బిక్కిరయ్యారు. దీంతో అధికారులు జీజీహెచ్కు విద్యుత్ సరఫరా నిలిపివేశారు. ఘటనకు సంబంధించి పూర్తి వివరాలు తెలియాల్సి ఉంది.
NTR: విజయవాడ కలెక్టరేట్లో ప్రజా సమస్యల పరిష్కార వేదిక ద్వారా వినతులు స్వీకరిస్తామని జిల్లా కలెక్టర్ డా. జి. లక్ష్మీశ తెలిపారు. డివిజన్, మునిసిపల్, మండల కేంద్రాల్లో కూడా అర్జీలు తీసుకుంటారు. కలెక్టర్ కార్యాలయంలోని శ్రీ పింగళి వెంకయ్య సమావేశ మందిరంలో రెవెన్యూ క్లినిక్ సేవలు అందుబాటులో ఉంటాయి. meekosam.ap.gov.inలో నమోదు చేయవచ్చన్నారు.
ప్రకాశం: పొదిలిలోని పలు ప్రాంతాల్లో ఆదివారం పోలీసులు విస్తృతంగా వాహనాల తనిఖీలు నిర్వహించారు. ఈ తనిఖీలను పొదిలి ఎస్సై రాజేష్ ఆధ్వర్యంలో చేపట్టారు. పట్టణంలోని ముఖ్య కూడళ్ల వద్ద ప్రత్యేక డ్రైవ్ నిర్వహించి, వాహనాల పత్రాలు, డ్రైవింగ్ లైసెన్సులు, హెల్మెట్ వినియోగం, ట్రిపుల్ రైడింగ్, మద్యం సేవించి వాహనం నడపడం వంటి అంశాలపై కఠినంగా తనిఖీలు చేశారు.
BPT: అంగన్వాడీ కార్యకర్తలు, హెల్పర్లు, చిరు ఉద్యోగుల సంక్షేమానికి కూటమి ప్రభుత్వం కట్టుబడి ఉందని బాపట్ల ఎమ్మెల్యే వేగేశన నరేంద్ర వర్మ అన్నారు. ఆయన ఆదివారం మాట్లాడుతూ.. రేపు విజయవాడలో అంగన్వాడీలు చేపట్టనున్న ధర్నా నేపథ్యంలో స్పందిస్తూ రాష్ట్రం ఆర్థిక ఇబ్బందుల్లో ఉన్నప్పటికీ వారి సమస్యల పరిష్కారానికి ప్రాధాన్యత ఇస్తామని ఎమ్మెల్యే తెలిపారు.
GNTR: గుంటూరు బృందావన్ గార్డెన్స్లోని ఎన్టీఆర్ స్టేడియం కార్యదర్శి ఎన్నికల్లో ఆదివారం కూటమి అభ్యర్థి వజ్జా రామకృష్ణ మెజారిటీతో విజయం సాధించారు. మొత్తం 1261 ఓట్లు పోల్ అవ్వగా, రామకృష్ణకు 849 ఓట్లు లభించాయి. ఆయనపై పోటీ చేసిన దొడ్డపనేని రాజేంద్రప్రసాద్కు 395 ఓట్లు రాగా, 17 ఓట్లు చెల్లలేదు. ఇదివరకు ఉపాధ్యక్షుడిగా దామా మహేశ్ ఏకగ్రీవంగా ఎన్నికయ్యారు.
కృష్ణా: మచిలీపట్నంలోని కలెక్టరేట్లో జిల్లా అధికారులతో కలెక్టర్ బాలాజీ ఆదివారం వీడియో కాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ.. పవిత్ర రంజాన్ మాసం సందర్భంగా జిల్లాలోని ముస్లిం సోదరులు ప్రార్ధనలు చేసుకునేందుకు వీలుగా వారు నివసించే ప్రాంతాలు, మసీదులలలో ఎలాంటి లోటుపాట్లు లేకుండా మంచినీరు, విద్యుత్ సౌకర్యం ఏర్పాటు చేయాలని సూచించారు.
CTR: పుంగనూరు మండలం గూడూరు పల్లి గుట్ట శ్రీ లక్ష్మీనరసింహస్వామి వారి ఆలయ అభివృద్ధి కమిటీ సమావేశం ఆదివారం సాయంత్రం జరిగింది. ఈ సందర్భంగా ఆలయ నూతన అధ్యక్షులుగా పురుషోత్తమ రాజును సభ్యులు ఏకగ్రీవంగా ఎన్నుకున్నారు. ఈ సందర్భంగా ఆయన మాట్లాడుతూ.. అందరి సహాయ సహకారాలతో ఆలయ అభివృద్ధికి కృషి చేస్తానని చెప్పారు.
KDP: కాకినాడలో జరిగిన ఘటన నేపథ్యంలో ఆదివారం జిల్లా వ్యాప్తంగా బాణాసంచా గోడౌన్లలో పోలీసులు ముందస్తు తనిఖీలు చేపట్టారు. ఎస్పీ షెల్కే నచికేత్ విశ్వనాథ్ ఆదేశాల మేరకు లైసెన్సులు, భద్రతా ప్రమాణాలు, అగ్నిమాపక పరికరాలను క్షుణ్ణంగా పరిశీలించారు. నిబంధనలు ఉల్లంఘించి అక్రమంగా బాణాసంచా నిల్వ చేస్తే కఠిన చర్యలు తీసుకుంటామని ఎస్పీ హెచ్చరించారు.
కడప నగర శివార్లలోని నగర వనం వద్ద రిమ్స్ పీఎస్ ఎస్సై సుభాష్ చంద్రబోస్ ఆధ్వర్యంలో శక్తి యాప్పై అవగాహన కార్యక్రమం నిర్వహించారు. మహిళలు, బాలికలు ఆపద సమయంలో ఎస్ఓఎస్ బటన్, డయల్ 112 ద్వారా పోలీసులను సంప్రదించవచ్చని తెలిపారు. ప్రతి మహిళ తమ మొబైల్లో శక్తి యాప్ డౌన్లోడ్ చేసి నమోదు చేసుకోవాలని పోలీసులు సూచించారు.
ATP: పెద్దవడుగూరు మండల పరిధిలోని కాసేపల్లి గ్రామంలో పేకాట స్థావరంపై ఆదివారం పోలీసులు దాడులు చేశారు. ఈ దాడుల్లో 17 మందిని అదుపులోకి తీసుకొని వారి వద్ద నుంచి దాదాపు రూ. 42,600లు స్వాధీనం చేసుకున్నట్లు ఎస్సై ఆంజనేయులు తెలిపారు. పేకాట ఆడుతున్నారన్న పక్కా సమాచారంతో తన సిబ్బందితో కలిసి దాడులు నిర్వహించి నట్లు పేర్కొన్నారు.
E.G: మండపేట నియోజకవర్గంలో పలు సీసీ రోడ్లు, డ్రైన్లు, డబ్ల్యూబీఎం రోడ్లు నిర్మాణంకు ఎంజీఎన్ఆర్ఈజీఎస్ నిధులు రూ.16.81 కోట్లు మంజూరు అయ్యాయని రాష్ట్ర అంచనాల కమిటీ ఛైర్మన్, ఎమ్మెల్యే వేగుళ్ళ జోగేశ్వరరావు తెలియజేశారు. ఈ పనులు అన్నీ మార్చి నెలాఖరు లోగా పూర్తిచెయ్యాల్సి ఉందన్నారు. CM చంద్రబాబు, Dy.CM పవన్ కళ్యాణ్లకు ఎమ్మెల్యే వేగుళ్ళ ధన్యవాదాలు తెలిపారు.
W.G: మండల కేంద్రమైన ఉండికి చెందిన చిట్టూరి జార్జ్ తీవ్ర అనారోగ్యంతో కృష్ణా జిల్లా మచిలీపట్నం ప్రభుత్వ సర్వజన ఆసుపత్రిలో అత్యవసర విభాగంలో చికిత్స పొందుతున్నాడు. రెండు నెలల పింఛన్ తీసుకోని కారణంగా అతనికి ఆసుపత్రి వద్దకు వెళ్లి రెండు నెలల ఫింఛన్ మొత్తం రూ.8 వేలను సంబదిత వాలంటీర్ వెళ్లి అందజేశారు.
కడపలో సేవాలాల్ బంజారా సంఘం ఆధ్వర్యంలో నిర్వహించనున్న హోళీ సంబరాల పోస్టర్ను వైసీపీ రాష్ట్ర ప్రధాన కార్యదర్శి గడికోట శ్రీకాంత్ రెడ్డి ఆవిష్కరించారు. రామాపురం మండలం సుద్దమల్ల గ్రామం యర్రమరెడ్డిగారిపల్లెలో జరిగిన కార్యక్రమంలో ఆయన మాట్లాడుతూ.. హోళీ పండుగ ఐక్యత, కరుణకు నిదర్శనమని, ప్రతి ఇంటిలో శాంతి-సంతోషాలు నెలకొనాలని ఆకాంక్షించారు.
