మాజీ మంత్రి వైఎస్ వివేకానందరెడ్డి హత్య కేసు(Ys viveka murder case)లో భాగంగా సీబీఐ(CBI) ఎదుట వైసీపీ ఎంపీ అవినాష్ రెడ్డి(Avinash Reddy) హాజరయ్యారు. సాయంత్రం ఐదు గంటల వరకూ ఆయన్ని విచారించారు. మొత్తంగా ఏడు గంటల పాటు సీబీఐ అధికారులు పలు ప్రశ్నలు అడిగినట్లు తెలుస్తోంది. ముందస్తు బెయిల్ ఇస్తూ హైకోర్టు(Highcourt) పెట్టిన షరతుల మేరకు అవినాష్ రెడ్డి ప్రతి శనివారం సీబీఐ ఎదుట హాజరు కావాల్సి ఉంటుంది. కోర్టు తీర్పు మేరకు ఆయన సీబీఐ ఎదుట గత శనివారం కూడా హాజరయ్యారు.
చదవండి: Bhojpuri Singer: బాలికపై అత్యాచారం.. సింగర్ అరెస్ట్..!
ఈ కేసులో ఇప్పటికే పలుమార్లు అవినాష్ రెడ్డిని సీబీఐ(CBI) ప్రశ్నించింది. గత శనివారం విచారణకు హాజరైనప్పుడే అవినాష్ రెడ్డి(Avinash Reddy) ని సీబీఐ అరెస్ట్ చేయగా రూ.ఐదు లక్షల పూచీకత్తుతో ఆయన్ని విడుదల చేసింది. కడప ఎంపీ అవినాష్ రెడ్డికి బెయిల్ ఇవ్వడాన్ని సవాల్ చేస్తూ సునీత కూడా కోర్టులో పిటీషన్ దాఖలు చేసింది. అవినాష్ రెడ్డికి గత నెల 31న తెలంగాణ హైకోర్టు(Highcourt) ముందస్తు బెయిల్‌ను మంజూరు చేయగా తెలంగాణ హైకోర్టు తీర్పుపై సునీత సుప్రీంకోర్టులో సవాలు విసిరారు.
చదవండి: JP Nadda : దేశ రాజకీయా ముఖచిత్రాన్ని మార్చిన ఘనత మోదీదే : జేపీ నడ్డా
హైకోర్టు(Highcourt) తీర్పులో కొన్ని లోపాలున్నాయని సునీత ఆరోపించారు. అవినాష్ రెడ్డి(Avinash Reddy) ముందస్తు బెయిల్‌ను సీబీఐ సైతం వ్యతిరేకిస్తోందని పిటిషన్‌లో ఆమె తెలిపారు. సునీత పిటీషన్‌పై విచారణ సందర్భంగా సుప్రీంలో సీబీఐ(CBI) సైతం వాదనలు వినిపించే అవకాశం ఉంది. మరో వైపు వైఎస్ వివేకానందరెడ్డి హత్య కేసులో కీలక నిందితునిగా ఉన్న వైఎస్ అవినాష్ రెడ్డి తండ్రి భాస్కర్ రెడ్డి బెయిల్ పిటిషన్ ను సీబీఐ కోర్టు(CBI Court) కొట్టి వేసిన సంగతి తెలిసిందే.
