టాలీవుడ్‌(Tollywood)లో యంగ్ టాలెంట్ కు ప్రోత్సాహం లభిస్తోంది. ఈమధ్యకాలంలో ఎక్కువ మంది కొత్తవారు తెలుగు తెరకు పరిచయం అవుతున్నారు. ముఖ్యంగా షార్ట్ ఫిలిమ్స్(Short Films) బ్యాక్ గ్రౌండ్ నుంచి వచ్చినవారు సినిమాలు తీస్తూ ఆదరణ పొందుతున్నారు. ఈ క్రమంలోనే తాజాగా సుమంత్ ప్రభాస్(Sumanth Prabhas) అనే కుర్రాడు తానే డైరెక్ట్ చేస్తూ ఓ సినిమాను తెరకెక్కించాడు. ఈ యూట్యూబర్ తానే నటుడిగా, రైటర్ గా షార్ట్ ఫిలిమ్స్ తీస్తూ మంచి గుర్తింపు పొందాడు.
‘మేమ్ ఫేమస్’ టీజర్:
ఇటీవలే ప్రైవేట్ ఆల్బమ్ సాంగ్స్ చేస్తూ క్రేజ్ ను సొంతం చేసుకున్నాడు. తాజాగా సుమంత్ ప్రభాస్(Sumanth Prabhas) హీరోగా చేసిన సినిమా విడుదలకు సిద్ధమైంది. మేమ్ ఫేమస్(Mem Famous) అనే టైటిల్‌తో ఈ సినిమా రూపొందుతోంది. ఈ సినిమాకు రైటర్ గా, డైరెక్టర్ గా సుమంత్ వర్క్ చేస్తూనే హీరోగా కూడా చేశాడు. తాజాగా ఈ సినిమాకు సంబంధించిన టీజర్ ను మంత్రి మల్లారెడ్డి(Mallaa reddy) రిలీజ్ చేశారు. ఈ టీజర్ మొత్తం ఎంటర్‌టైన్మెంట్ గా సాగింది.
చదవండి: NTR30:లో చేరిన ప్రముఖ హాలీవుడ్ కొరియోగ్రాఫర్ కెన్నీ బేట్స్
తెలంగాణ(Telangana) నేపథ్యంలో వస్తున్న ఈ మూవీలో ముగ్గురు కుర్రాళ్లు పనీపాట లేకుండా రోజూ మందు తాగుతూ జల్సా చేస్తూ తిరుగుతూ ఉంటారు. ఎవరిని కొడితే ఊరిలో ఫేమస్(Famous) అయిపోతాం అనుకుంటామోనని ఆలోచిస్తూ ఉంటారు. ఇటువంటి క్యారెక్టరైజేషన్ తో సీన్స్ ను టీజర్ గా రిలీజ్(Teaser Release) చేశారు. టీజర్ రిలీజ్ సందర్భంగా మంత్రి మల్లారెడ్డి(Malla Reddy) మాట్లాడుతూ..యువత గాలికి తిరగడం మానేసి కష్టపడండని చెప్పారు. యంగ్ ఏజ్ లో తాను చాలా కష్టపడ్డానని, అందుకేే ఈ పొజిషన్ లో ఉన్నానని అన్నారు. ఈ మూవీకి కళ్యాణ్ నాయక్ మ్యూజిక్ అందించాడు. జూన్ 2న ఈ సినిమాను రిలీజ్ చేయనున్నట్లు చిత్ర యూనిట్ తెలిపింది.
