టాలీవుడ్(Tollywood) హీరో అల్లు అర్జున్(Allu arjun) సినీ ఇండస్ట్రీలో 20 ఏళ్లను పూర్తి చేసుకున్నారు. మెగా ట్యాగ్ తో సినీ ఇండస్ట్రీలోకి బన్నీ ఎంట్రీ ఇచ్చి ఆ తర్వాత తన నటన, అభినయంతో అందర్నీ ఆకట్టుకున్నారు. ఇప్పుడు ఐకాన్ స్టార్(Icon Star)గా బన్నీ పేరు సాధించారు. నటుడిగా, డ్యాన్సర్ గా బన్నీ అభిమానులను ఉర్రూతలూగించారు. ఇండియాలోనే టాప్10 సెలబ్రిటీ డ్యాన్సర్లలో అల్లు అర్జున్(Allu arjun) నిలిచారు. నేటితో అల్లు అర్జున్ 20 వసంతాలను పూర్తి చేసుకున్నారు.
20 ఏళ్లు పూర్తి చేసుకున్న సందర్భంగా అల్లు అర్జున్ చేసిన ట్వీట్:
Today, I complete 20 years in the film industry. I am extremely blessed & have been showered with love . I am grateful to all my people from the industry . I am what I am bcoz of the love of the audience, admirers & fans . Gratitude forever 🙏🏽
— Allu Arjun (@alluarjun) March 28, 2023
సరిగ్గా ఇదే రోజున అల్లు అర్జున్(Allu arjun) నటించిన గంగోత్రి సినిమా రిలీజ్ అయ్యింది. మొదట్లోనే ఈ మూవీ బాక్సాఫీస్ దగ్గర భారీ వసూళ్లను రాబట్టింది. అల్లు అర్జున్ మొదటిసారి మెగాస్టార్ చిరంజీవి(Megastar Chiranjeevi) నటించిన ‘విజేత’ సినిమాలో కనిపించారు. ఆ సినిమాలో మంజుల కొడుకుగా బన్నీ నటించారు. అప్పడు బన్నీ వయసు మూడేళ్లు కావడం విశేషం. ఆ తర్వాత కమల్ హాసన్ మనవడిగా ‘స్వాతిముత్యం’ సినిమాలోనూ బన్నీ కనిపించాడు.
చదవండి: Ravanasura Trailer: ‘రావణాసుర’ ట్రైలర్ రిలీజ్
2001లో చిరంజీవి(Chiranjeevi)తో కలిసి డాడి మూవీలో గెస్ట్ రోల్ చేశాడు. చిరు దగ్గర డ్యాన్స్ నేర్చుకునే అబ్బాయిగా ‘డాడీ’ సినిమాలో బన్నీ కనిపించాడు. దర్శకేంద్రుడు రాఘవేంద్ర రావు 100వ సినిమా గంగోత్రిలో అల్లు అర్జున్(Allu arjun) హీరోగా తెలుగు తెరపై ఎంట్రీ ఇచ్చాడు. ఆ సినిమా ఘన విజయం సాధించింది.
చదవండి: Niddhi Agerwal: ఆ స్వామితో కలిసి హీరోయిన్ నిధి అగర్వాల్ పూజలు..వీడియో వైరల్
గంగోత్రి సినిమా తర్వాత అల్లు అర్జున్(Allu arjun) సుకుమార్ దర్శకత్వంలో ఆర్య సినిమా చేసి క్రేజ్ ను సొంతం చేసుకున్నాడు. ట్రైయాంగిల్ లవ్ స్టోరీలో బన్నీ అదరగొట్టాడు. ఆ సినిమాలో బన్నీ నటనకు ప్రశంసలు దక్కాయి. ఆ తర్వాత బన్నీ, హ్యాపీ, దేశముదురు వంటి సినిమాలు చేసి వరుస హిట్లను అందుకున్నాడు. ప్రస్తుతం పుష్ప2(Pushpa2) సినిమా షూటింగ్ లో బన్నీ బిజీగా ఉన్నాడు.
చదవండి: DASARA Movie : ‘దసరా’ నుంచి నాలుగో లిరికల్ సాంగ్ రిలీజ్
20 వసంతాలు పూర్తి చేసుకుంటున్న సందర్భంగా బన్నీ ట్విట్టర్ వేదికగా స్పందించారు. చిత్ర పరిశ్రమలో తనను ఆశీర్వదించారని, ప్రేమతో ముంచెత్తారని, అందరికీ కూడా తాను కృతజ్ఞుడినని తెలిపారు. ప్రేక్షకులు, ఆరాధకులు, అభిమానుల ప్రేమ వల్లే తానిలా ఉన్నానని, వారందరికీ ఎప్పటికీ కృతజ్ఞతలు అంటూ అల్లు అర్జున్(Allu arjun) ట్వీట్ చేశాడు. ప్రస్తుతం బన్నీ చేసిన ట్వీట్(Tweet) సోషల్ మీడియాలో వైరల్(Viral) అవుతోంది.
