యంగ్ టైగర్ ఎన్టీఆర్ నెక్స్ట్ ప్రాజెక్ట్ కోసం ఈగర్‌గా వెయిట్ చేస్తున్నారు నందమూరి ఫ్యాన్స్. కానీ ఇప్పటి వరకు ఎన్టీఆర్ 30ని సెట్స్ పైకి వెళ్లలేదు. అసలు ఆర్ఆర్ఆర్ సెట్స్ పై ఉన్నప్పుడే.. దర్శకుడు కొరటాల శివతో కమిటయ్యాడు ఎన్టీఆర్. ఇక ఆర్ఆర్ఆర్ రిలీజ్ అయింది.. సంచలనంగా నిలిచింది.. ఆస్కార్ రేసులో కూడా ఉంది. అయినా ఎన్టీఆర్ మాత్రం మళ్లీ మేకప్ వేసుకోలేదు. అయితే ఎట్టకేలకు కొత్త సంవత్సరం కానుకగా.. నెక్స్ట్ ఇయర్ ఏప్రిల్ 5న సినిమా రిలీజ్ చేస్తామని.. ఫిబ్రవరి నుంచి షూటింగ్ స్టార్ట్ చేయబోతున్నట్టు ప్రకటించారు. దాంతో ఇప్పుడు షూటింగ్ టైం దగ్గర పడినట్టే.
ఫిబ్రవరి సెకండ్ వీక్‌లో ఎన్టీఆర్30కి కొబ్బరికాయ కొట్టేందుకు ముహూర్తం ఫిక్స్ చేసినట్టు తెలుస్తోంది. ఈ ఓపెనింగ్ కార్యక్రమాన్ని చాలా గ్రాండ్‌గా ప్లాన్ చేస్తున్నారట. అంతేకాదు ఊహించని గెస్ట్‌ కూడా రాబోతున్నట్టు ప్రచారం జరుగుతోంది. ఈ వేడుకకు మెగాస్టార్ చిరంజీవికి ఆహ్వానం అందిందనేది లేటెస్ట్ టాక్. అయితే మెగాస్టార్ రావడం ఎగ్జైటింగ్‌ కాకపోయినా.. కొరటాల కోసం గెస్ట్‌గా వస్తాడా.. అనేది ఆసక్తికరంగా మారింది. ఆచార్య ఫ్లాప్ తర్వాత చిరు, కొరటాల మధ్య దూరం పెరిగిందనేది ఇండస్ట్రీ టాక్. ఆ మధ్య చిరు కామెంట్స్ దీనికి మరింత బలాన్నిచ్చింది. అలాంటిది ఇప్పుడు ఎన్టీఆర్ 30 కోసం మెగాస్టార్‌ను ఇన్వైట్ చే ఇంట్రెస్టింగ్‌గా మారింది. మరి చిరు, కొరటాల ఒకే ఫ్రేమ్‌లో కనిపించి పుకార్లకు చెక్ పెడతారేమో చూడాలి. ఇక ఈ కార్యక్రమానికి రాజమౌళితో పాటు కీరవాణి కూడా రాబోతున్నాడట. ఎలాగు ఎన్టీఆర్ 30కి కళ్యాణ్ రామ్ వన్‌ ఆఫ్ ది ప్రొడ్యూసర్ కాబట్టి.. తారక్‌తో పాటే సందడి చేయనున్నాడు. అయితే మెగాస్టార్ రాకపోయినా.. రామ్ చరణ్ వచ్చే ఛాన్స్ ఉందని అంటున్నారు.
